Астана шаарында Чыңгыз Айтматов атындагы көчөнүн ачылышы өттү

Бүгүн, 16-августта премьер-министр Мухаммедкалый Абылгазиев Астана шаарында Чыңгыз Айтматов атындагы көчөнүн ачылыш салтанатына катышты. Бул тууралуу өкмөттүн басма сөз кызматы билдирди.

Маалыматка ылайык, иш-чарага ошондой эле Казакстандын премьер-министри Бакытжан Сагинтаев катышты. Абылгазиев белгилегендей, Астана шаарынын көчөлөрүнүн бирине белгилүү Кыргыз жазуучусунун атынын ыйгарылышы казак эли жана Нурсултан Назарбаев башында турган Казакстандын жетекчилиги тарабынан Чыңгыз Айтматовдун элесине терең сый-урмат көрсөтүүсү катары саналат.

"Биз Чыңгыз Айтматовдун калтырып кеткен зор маданий мурасы менен сыймыктанабыз. Анын чыгармалары дүйнөнүн 180 тилине которулуп, жер шарынын булуң-бурчунда өз окурмандарын тапкан. Ушул жылы Чыңгыз Айтматовдун 90 жылдык мааракесин түрк тилдүү мамлекеттерде, КМШ жана Европа өлкөлөрүндө масштабдуу түрдө белгилөө пландаштырылууда. Буга байланыштуу биз Нурсултан Назарбаев эки элдин ортосунда бир нече кылымдар бою калыптанып келе жаткан достукту сактоонун маанилүүлүгүн баса белгилеп келе жаткандыгына ыраазычылык билдиребиз", - деди Абылгазиев.

Чыңгыз Айтматов атындагы көчө жалпы маанидеги магистралдык көчө, 8 кыймыл тилкеси бар. Ал Астананын тарыхый бөлүгүн жаңы конуштардын аймагы менен бириктирип турат. Көчөнүн жалпы узундугу 2020-жылга карата 7,2 чакырымды түзөт.

Автор: Жылдыз Джускембаева

21:19 16-08-2018

Жазылуу

РУБРИКАДАГЫ СОҢКУ КАБАРЛАР

00:40 2025-07-11 | Саясат

Садыр Жапаров оңдоп-түзөөдөн өткөн Айтматов проспектисине барды (видео) 233 0

23:58 2025-07-10 | Саясат

"Эшиктен да, тешиктен да чыгып..." Оштун мэринин видеосу талкуу жаратты 993 0

23:55 2025-07-10 | Саясат

Ташиев соттордун айлыгы жакында жарым миллион сомго жакындай тургандыгын айтты (видео) 351 0

23:50 2025-07-10 | Саясат

Бишкекте ипотекалык багыттагы 225 батирдин ачкычы тапшырылды 302 0

23:41 2025-07-10 | Саясат

Садыр Жапаров турак жайга муктаж болгондорду 5 жылда толук камсыздоо планын айтты 238 0

23:29 2025-07-10 | Саясат

Өлкөдөгү айылдарга да ипотекалык үйлөр курулат 432 0

Архив

Комментарийлер (6)

maks94.kb

2018-08-16 22:00:40

Казактар кочо ачышты
А озбектер кино тартып жатышатар
А бизчи

Ali-han

2018-08-16 22:58:22

maks94.kb,А биз жүрөбүз москвада иштеп)))

Salaf

2018-08-16 23:24:52

maks94.kb, Биз жөн эле жүрөлүчү башкаларга тең келбей элечи, андан башка жасай турган маанилүү жумуштар көп, же баары бүтуп Айтматовдун юбилейи калдыбы? Биз болгону Ч.А кыргыз экенине сыймыктанып койсок жетиштүү, башкалар жасай беришсин.

Benazir08

2018-08-16 23:39:10

Salaf,ырас айттын

Benazir08

2018-08-16 23:07:22

Биз барктай албай жүрөбүз. Жүрүшөттөр ачышаттар деп,өз тилибизди бурмалабай таза сүйлөйлү тууганым. Казак элине алкыш.

nureles70

2018-08-17 13:55:17

Бут дуйно жузу билет, барктайт биздин Чынгыз атабызды.100 жылда бир жаралчу адам. А биз эмне кылдык жарым кочонун атын бердик. Уят эле

Комментарий калтыруу үчүн өз ысымыңыз менен кириңиз же каттоодон өтүңүз.