Орусиянын Москва шаарында 40 жаштагы Кыргыз жараны бөйрөгүнөн жабыркап каза болду. Бул тууралуу Кыргыз мусулмандар дин башкармалыгынын Орусиядагы өкүлчүлүгүнүн кайрымдуулук фондунан кабарлашты.
"Каза болгон жаран Баткен облусуна караштуу Актатыр айылынын Ш.К. аттуу тургуну болгон. Ал Москвага төрт ай мурун иштөө үчүн барган. Иштеп жүрүп бир жума мурун бөйрөгү ооруп ооруканага жаткырылган. Бир жума дарыланган соң бөйрөгү иштебей 17-август күнү каза болгон. 18-август күнү жогорудагы фонддун жардамы менен анын сөөгү Москва-Ош каттамы менен туулуп-өскөн айылына жөнөтүлдү", - деп билдиришти аталган фонддон.
Мекендешибиздин сөөгүн алып кетүүгө башка Кыргыз жарандары да акчалай жардамдарды беришкен. Ал эми каза болгон жарандын 5 баласы бар.