Жалгыз бой эненин жалгыз уулу аскерде токко урунуп, бир колунан айрылды. Экинчи колунун жаракаты да маселе жаратууда

Сүрөт жабырлануучунун жеңеси Венера Өмүралиеванын уруксаты менен жарыяланды Жалал-Абад облусунун Майлуу-Суу шаарындагы аскер бөлүктө 22 жаштагы Руслан Сапарбаев аттуу жоокер токко урунуп, бир колунан айрылды. Окуя 7-августта болгонун жеңеси Венера Өмүралиева SUPER.KG'ге 21-августта кабарлады. Анын айтымында, жоокер аскердик бөлүктүн жанындагы эски электр щитке уялаган чымчыктын жерге түшүп калган жумурткасын кайра ордуна коюп коюуга аракет кылып жатканда кырсыкка кабылган.

"Кырсык 7-август күнү эртең менен аскердик патруль учурунда болгон. Кайним эки жоокер болуп жолдо баратып, иштебей турган электр щитине уялап алган чымчыктын жерге түшүп калган жумурткасын кайра ордуна коюп коюуга аракет кылып жатканда токко тартылып кетиптир. Билишибизче, ал щит лампа заводуна караштуу болуп, бирок 30 жылга жакын убакыттан бери иштебей туруптур. Электр зымдары да жердин астынан тартылуу экен. Андагы токтун кубаттуулугу 6 миң вольттук болгондуктан кайним катуу жабыркаган. Дароо Жалал-Абадга ооруканага жеткирилип, андан кийин Ошко которулуптур. Кийин Бишкекке алынып келип, 17-августта оң колунун чыканагына чейинки бөлүгү кесилди. Сол колунун да бармагы түшүп калыптыр. Дарыгерлер сол колун сактап калууга аракет кыла турганын айтып жатышат. Бирок сакталып калышы күмөн жаратууда. Анткени сол колунун сөөгү дагы катуу жапа чегиптир. Кеткен чыгымдар Башкы штаб тарабынан төлөнүп жатат. Ошондой эле пенсия төлөнүп берилерин айтып жатышат", - деди Өмүралиева.

Өмүралиева кошумчалагандай, Руслан Сапарбаев 45 жаштагы апасы Венера Сейталиева экөө атасы каза болуп калып, Бишкекте батирде жашап келишкен.

"Кайним Автожол окуу жайын аяктап апрель айында аскерге Бишкектен кеткен. Атасы каза болуп калган. Апасы экөө бул жакта батирде турушчу. Апасы дыйканчылык талааларында, кээде унаа жуучу жайларда иштеп акча тапчу. Айтор шарты оор болчу. Кайним эми минтип майып болуп калгандыктан Бишкектен үй берилсе жакшы болот эле", - деди жеңеси Өмүралиева.

Башкы штаб окуя боюнча азырынча эч кандай маалымат тарата элек. Мекеменин басма сөз катчысы Гүлзат Жарашева 22-август күнү маалымат бериле турганын убадалады.

жаңыланды 07:57 22-08-2018
кошулду 22:14 21-08-2018

Автор: Жамалидин Парманкулов
Фото: Жамалидин Парманкулов

Жазылуу

РУБРИКАДАГЫ СОҢКУ КАБАРЛАР

19:49 2024-04-23 | Бизнес-Инфо

“Миллиондор оюну” акциясынын алкагында жаңы миллионерлер жана жеңүүчүлөр аныкталды 49 0

19:01 2024-04-23 | Саясат

ЕАЭБде бир катар бажы алымдарына нөлдүк ставканын мөөнөтү узартылды 153 0

18:40 2024-04-23 | Түркүн дүйнө

Быйыл Орусияда "Өчпөс полк" жүрүшү өтпөй турган болду 297 0

18:07 2024-04-23 | Кылмыштар, кырсыктар

Милиция жана салык кызматкерлери коррупцияга айыпталып кармалды (видео) 595 0

18:06 2024-04-23 | Саясат

Шакиев монгол кесиптешине Манас баатырдын эстелигин Улан-Батордогу көчөлөрдүн бирине ыйгарууну жана айкелин тургузууну сунуштады 244 0

17:54 2024-04-23 | Кылмыштар, кырсыктар

Ысык-Атада 14 жаштагы өспүрүм кыз өз өмүрүн кыйды 667 0

Архив

Комментарийлер (10)

jalguzum

2018-08-21 16:19:31

Байкуш, Аллах шыпаасын берип сакайып кетсин

+14

vikidiki

2018-08-21 17:03:19

Сакайып кетсин. Кудай озу колдоптур. Бирок деген жери бар. Эмнеге жалгыз уул, тем более энеси жалгыз, атасы жок болгондон кийин армияга чакырышты? Мед. комиссиядан кантип отту? Мындай шарттагы балдар барбайт армияга закон боюнча. Альтернатива дешти да, байкуштар акчабыз жок деп, службага кеткен го.

+29

binur5

2018-08-21 17:15:03

баягы эле бей бечаралардын балдары барат барбайт десен очойгон акчаны айтат анан ушундай майып болуп же болбосо олуп келип атканын угуп армияга жоноткун келбейт

+25

bond02

2018-08-21 17:57:00

Башкы штаб эптеп эртерээк унутулуп кетсе экен деп унчукпай жатса керек да.

+18

Alia82

2018-08-21 18:59:23

Супер эмне учун мындай атасы жок жалгыз уул экенине карабай армияга келгенин аныктап берсенер жакшы болмок же жаны закон чыкканбы

+18

Mehazahn57

2018-08-21 19:04:46

Окуу жайды буткон экен,оз калоосу менен барса керек аскерге. Жумушка аларда военный билет керек болот деп.

AKCAHAT

2018-08-21 19:05:18

ЖК жойуп салыш керек, мындай пайдасы жок кызматкерлер кереги жок.

+10

barakcha

2018-08-21 19:36:28

О Аллах!Сабыр бере кор энесине...

i1urp

2018-08-21 19:39:15

Тенирим ден соолук берсин. Оорубасын.

umar.kgz

2018-08-22 11:05:11

Эх,окунучтуу...оор тагдырга туш болуптур...Эми кимди куноолосок болот!?

Комментарий калтыруу үчүн өз ысымыңыз менен кириңиз же каттоодон өтүңүз.