"Коопсуз шаар" боюнча аукциондо систем эмне себептен жабылып калганы айтылды

Бүгүн, 30-августта “Коопсуз шаар” долбоору боюнча тегерек стол өтүп жатат. Маалыматтык технологиялар жана байланыш комитетинин жетекчисинин орун басары Кубаныч Шатемировдун билдиришинче, өткөн сынактын үзгүлтүккө учурашына катышуучулардын биринин туура эмес маалымат киргизгени себеп болгон.

“Маалыматтар туура эмес киргизилгени үчүн систем жабылып калган. Анда сынактын баасы белгиленген босогодон өтүп кеткен. Мунун себебинен тендердик комиссия сынакты жараксыз деп тапкан. Мамлекеттик сатып алуулар порталы аркылуу кайрадан жарыяланды. Тендердик комиссиянын курамы мурдагы боюнча өзгөртүүсүз калтырылды. Мындан сырткары техникалык тапшырмалар жана сынактын шарттары жана көрсөтүлгөн документтери мурдагы боюнча калды. Коопсуз шаар алкагында видеокөзөмөл системдерин орнотуу боюнча тендердин баштапкы баасы 2 миллиард 500 миң сом деп көрсөтүлгөн. Долбоордун шарты боюнча жеңүүчү Бишкек шаарынын көчөлөрүнүн кесилишине, эл аралык маанидеги жолдорго видеобайкоолорду орнотушу керек. Сынакка катышуу үчүн арыздар 4-сентябрь күнү саат 15:00гө чейин кабыл алынат. Ал эми сынак ошол эле күнү өткөрүлөт”, - деди Шатемиров.

Мамлекеттик сатып алуулар порталы аркылуу өткөрүлүп жаткан сынактын системи 23-августта бузулуп калган. Анда система 50,5 миллиард сом сунуш кылган "Мегалайн" фирмасын жеңүүчү деп таап, калган катышуучулардын сунуштаган суммасы көрсөтүлгөн эмес.

Автор: Сталбек Абдижалил уулу
Фото: Сталбек Абдижалил уулу

12:45 30-08-2018

Жазылуу

РУБРИКАДАГЫ СОҢКУ КАБАРЛАР

09:22 2025-07-12 | Коом жана турмуш

Бишкекте Огонбаев көчөсү убактылуу ачылды 83 0

09:13 2025-07-12 | Коом жана турмуш

Рубль менен доллардын сомго карата наркы 275 0

23:17 2025-07-11 | Түркүн дүйнө

"Шереметьево" аэропортунда жерге ыргытылып жабыркаган наристе ооруканадан чыгарылды 1144 0

22:48 2025-07-11 | Коом жана турмуш

Түштүк Кореяда 123 кабаттуу эң бийик имаратта эл аралык компания менен иштешип жаткан Диана менен маек 3237 0

22:07 2025-07-11 | Коом жана турмуш

218 миң сомго чейин... Быйыл ЖОЖдордо окуу акысы канча? Тизме 4331 0

21:27 2025-07-11 | Кылмыштар, кырсыктар

Ошто жаш кызга карата туура эмес мамиле жасаган агайга чара көрүлдү 2290 0

Архив

Комментарийлер (6)

Erik2018

2018-08-30 13:07:26

Коопсуз шаар долбоору Кыргызстанга өтө керек. Бул долбоордун артын менен көп иштерди бүтүрүп алсак эмнеге болбосун. Азыр дүйнө технолошуу доорунда биз дагы бет алышыбыз керек. Болбосо артта калабыз.

tnz

2018-08-30 13:08:33

Техника деген техникада эч ким толлук кепилдик бере албайт ошондуктан мындай нерселерди тушунуу менен кабыл алуу керек деп ойлойм.

akylbekkg

2018-08-30 14:09:19

Бул жагынан да акча иштеш керек болгон тура!!! Катышуучудардын маалыматты туура эмес киргизсе тендер эч качан жараксыз болуп токтоп калбайт. Ошол маалыматты туура эмес киргизген компаниянын документи жараксыз болуп табылат да, калган катышуучулардын документтери жарай берет. Эмне учун бир компаниянын катасы учун бут тендер отмена болуш керек? Ай кыргыздар онолбой калдык го!!

Omuraliev

2018-08-30 15:15:17

50,5 миллиард 1 миллиард долларга жакын болуп кетип атат. Башталганда 12 миллион долларга турктор жасап беребиз деп жатканда,ар ким озунун долясын кошуп жатып 60 миллионго чыгарды эле. Силердин журналистинер 50 миллиард сомго чыгардыбы же чын эле ошол суммага баалап жатышабы?

anonymous

2018-08-30 16:16:52

Атаандаштарды сүрүп чыгуу деген оюн бул

Erik2018

2018-08-30 18:31:33

Эми мындай техникалык мүчүлүштүктөрдү кайталабасын.

Комментарий калтыруу үчүн өз ысымыңыз менен кириңиз же каттоодон өтүңүз.