Бүгүн, 31-августта Бишкектеги "Ала-Тоо" аянтында эгемендүүлүктүн 27 жылдыгына карата кечки концерт өттү. Мурда массалык түрдө майрамдалган ар бир майрамдын соңунда аянт, Панфилов атындагы сейил бак таштандыга толуп калчу. Учурда "Тазалык" ишканасынын кызматкерлери таштандыларды тазалап жатышат.
Аталган ишкананын маалымат катчысы Жибек Каракееванын SUPER.KG порталына билдиргендей, кызматкерлер бүгүн таңкы саат 5:00дөн бери иштеп жатат.
Каракеева канча тонна таштанды чыгарылганы жана канча "Тазалыктын" кызматкерлери иштегени боюнча эртең, 1-сентябрда маалымат таратыла турганын билдирди.