Бишкекте туура эмес жайга токтотулган 80 айдоочунун унаасы эвакуатор менен айып аянтчасына жеткирилди

Бишкек шаарында жүргүзүлгөн рейддин алкагында туура эмес жайга токтотулган 80 айдоочунун унаасы эвакуатор менен айып пул төлөөчү жайга жеткирилди.

Бишкек шаардык Жол кыймылынын коопсуздугун көзөмөлдөө башкы башкармалыгынын маалымат кызматынан билдиришкендей 6-сентябрдан 9-сентябрга чейин "Парковка" аталышында жүргүзүлгөн рейддин алкагында 171 айдоочунун унаасы атайын токтотуучу жайга киргизилген. Анын ичинен 80 унаа туура эмес жайга токтотулганы үчүн эвакуацияланган.

4 күндүк рейддин алкагында жалпы санынан туура эмес жайга, атайын белгилер турганына карабастан унааларын токтоткон 678 айдоочуга протокол түзүлүп, айып пул салынган.

Автор: Мальвина Уметбекова