Күрөш боюнча жаштар арасындагы Дүйнө чемпиондугу: Акжол Махмудов атаандашын 2 мүнөттө утуп, жарым чейрек финалга аттанды

Бүгүн, 17-сентябрда Словакиянын Транава шаарында грек-рим күрөшү боюнча жаштар арасындагы Дүйнө чемпиондугу старт алды. Анда кыргыз спортчулар 4 салмак ченинде күч сынашууда.

Анда 77 килограммга чейинки салмак ченинде күрөшкөн Акжол Махмудов алгачкы беттешинде ирандык Хоссейн Афифи менен кез келди. Беттештин жүрүшүндө Махмудов 10:1 эсеби менен жеңишке жетип, жарым чейрек финалга аттанды.

Айта кетсек, бүгүн аталган мелдешке Кыргыз өлкөсүнөн Эрбол Бакиров, Нуртазин Керимберди уулу, Акжол Махмудов жана Амангелди Талантбек уулу катышууда.