Москвада Кыргыз жарандарын унаасы менен сүзүп кеткен Бекжан апасы менен жолугушту

Москвада клубдагы жаңжалдан кийин унаасы менен Кыргыз жарандарын сүзүп кеткен Бекжан С. апасы менен жолугушту. Бул тууралуу бүгүн, 19-сентябрда шектүүнүн апасы Жылдыз Ибраимова SUPER.KG порталына билдирди.

"Уулум камакка алынгандан бери жолугууга мүмкүнчүлүк бербей жатышкан. Бекжан "апам кайда, көрсөткүлө" деп ызы-чуу салгандан кийин мени менен жолуктурушту. Баламдын угуучу аппараты иштебей калыптыр. Ал угуучу аппараты жок болсо ачуулуу болуп, психикалык жактан өзгөрүлө баштайт. Мени көргөндө "эмнеге мага чалган жоксуз, мени издеген жоксуз, сизди тиги дүйнөгө кеткен экен дедим" дейт. Уулумду тынчтандырып окуя тууралуу сурасам "башымды унаага сүздүргөндө үйгө качыш керек деп унаага отурганымды билем, андан кийин эмне болгонун билбейм" дейт. Мен ал окуядан 1 адам каза болгонун, жабыркагандар тууралуу айтсам, эч нерсе эстей албай жатканын айтты. Мындан улам медициналык экспертиза дайындалды. 1 айдын ичинде экспертиза окуя болгон учурда балам аффект абалында болгонун же болбогонун аныктап берет", - дейт Ибраимова.

Ошондой эле кылмышка шектүүнүн апасы жактоочу дайындаганын, учурда териштирүү иштери жүрүп жатканын кошумчалады.

"Окуя болгондон кийин балабыз күнөөлүү болуп камалат деп эч нерсе кыла алган эмеспиз. Мындан улам санкция жарыяланып балам 2 айга камакка алынган. Азыр жактоочу дайындаганбыз. Учурда ал бардык аракеттерди көрүп жатат. 1-октябрда жактоочунун катышуусунда баламдын соту кайрадан болот. Ал эми жабыркагандардын үчөө учурда ооруканада, алардын абалы жакшы болуп калды. М.Руслан уулуна бүгүн, 19-сентябрда операция жасалып, ийгиликтүү аяктады. Дагы бири жандандыруу бөлүмүнөн палатага которулду, алардын дарылануусу акысыз жүргүзүлүп жатат. Дагы бир жабырлануучунун дарылануусун акысыз кылып сүйлөшүп, документтерин жасатып берейин десем жакындары макул болбой жатат", - деди ал.

Эске салсак, Москва шаарындагы Марьино районунда 20 жаштагы жигит Кыргыз жарандарын унаасы менен сүзүп кеткен. Окуянын күбөлөрү күнөөлүү делген жигит Кыргыз жараны экенин айтып, кырсык бир кызды талашкан эки жигиттин урушунан келип чыкканын айткан. Кылмышка шектүү Бекжан С. 2 айга камакка алынган.

Автор: Бактыгүл Момбекова

23:57 19-09-2018

Жазылуу

РУБРИКАДАГЫ СОҢКУ КАБАРЛАР

22:02 2025-06-30 | Түркүн дүйнө

Трамп Сирияга каршы санкцияларды жеңилдеткен буйрукка кол коёт 8 0

21:32 2025-06-30 | Коом жана турмуш

Элдин нааразычылыгын жараткан курулуш компаниясына бир апта мөөнөт берилди 246 0

21:13 2025-06-30 | Түркүн дүйнө

Актёр Вадим Демчогдун уулу эки жылга абакка кесилди 263 0

20:54 2025-06-30 | Түркүн дүйнө

Иранда Израил менен болгон жаңжалда 900дөн ашуун адам набыт болгону айтылды 273 0

20:43 2025-06-30 | Түркүн дүйнө

Түркияда токой өртүнөн улам 50 миңден ашуун адам эвакуацияланды (видео) 202 0

20:30 2025-06-30 | Түркүн дүйнө

Казакстанда коомдук жайларда никаб кийүүгө тыюу салынды 172 0

Архив

Комментарийлер (11)

Bazana

2018-09-19 15:38:47

Бешенеге жазылганын коро беребиз экенда , жапжаш жигиттер бири кордо , бири оорукуанада , бири турмодо , аттин ... , ушул кафелемейди токтотсонорда болот , кыргыздарга чон сабак болуусу керек ушул окуя .

+23

adiaza

2018-09-19 15:56:26

уучу аппараты жокто психикалык жактан озгоруло баштаганын мурунтан билишсе машина алып бербеш керек да мындай учурда, водительское удостоверение алып атканда психиатр кандайча откоргон. Энесинин айтымы боюнча бул балада психоз бар экен да ( нервный срыв ), психоз менен ооругандар жинденгенде озун озу токтото албай контролюн жогото башташат. Бул жерде баланын куноосу чон болуп атат анткени атайылап сузуп олтуруп атпайбы, байкабай сузуп алса кичине куноосу женилдемек. Ар бир ата эне баласын актайт

-7

Rifle_I

2018-09-19 15:57:08

Ынтымактуу жол менен чечишип алганы жакшы. Кантип жолун табасыңар, бирок арыз жаздырбай, бир сөзгө келгиле. Жок дегенде "кыргыздар" бири бирин кечиришип, ынтымакка келишти деп орустар оозу ачылсын.
Антпесе "кыргыз" деген сөз бүт жаман окуяларда угула баштады.

+18

Aziyat

2018-09-19 16:30:51

Берки ооруканада жаткандардан дагы интервью алышса жакшы болот эле

Matahara1980

2018-09-19 16:32:52

Состояние аффекта болсо жазасы женилдетилет баланын

+11

kriss120

2018-09-19 18:01:41

Бекжан эркексин кичи чыда баары отуп кетет.Сенин кылган ишин мен учун туура.намыстуу екенсин.Колуман келсе оддуший барып турмакмын сага бирок аоыстамын.

guli-1980

2018-09-20 08:38:33

kriss120,жабыркагпндардын баарын кошуп камаш керек. 10 бала 1 баланы урганы учун жооп беришсин акмактар.

Bayazet

2018-09-19 18:22:10

Акталып чык[moderated] ылайым

guli-1980

2018-09-20 08:39:44

Жабыркаган 10 баланын устунон арыз жазыныз. Баланызда айып жок. Ордунда мен болсом мен дагы олткро сузмокмун

Rysik17

2018-09-20 09:58:50

Кырсык каш кабактын ортосунда... Баарыныздарга сабыр берсин

Asyl10

2018-09-20 12:02:29

Ылайым акталып кетсин.10 зоокур бир жигитти токтмоктоп,анысы аз келгенсип кулагындагысын жулуп алып бир-бирине ыргытып мазакташкан. эже-карындашы,апасын ар бир эркек коргойт,анын устуно анын козунчо тийишип, анан жаман создор менен согуп жатышса,шылдындап отурушса,унчукпай отура бермек беле. Карындашы жана анын курбуларынын козунчо эки жакка турткулоп токмоктошсо.Бул жигит "в состоянии аффекта" болгон. Эже ошол 10 баланын устунон арыз таштаныз,алар да жооп беришсин.

Комментарий калтыруу үчүн өз ысымыңыз менен кириңиз же каттоодон өтүңүз.