"Коопсуз шаар" долбоорун ишке ашырчу компания аныкталды

Премьер-министр Мухаммедкалый Абылгазиев "Коопсуз шаар" долбоору боюнча ачык аукциондун жыйынтыгы боюнча кеңешме өткөрдү. Бул тууралуу өкмөттүн басма сөз кызматы билдирди.

"Кеңешменин жүрүшүндө өкмөт башчыга "Коопсуз шаар" долбоорун ишке ашыруу үчүн өткөрүлгөн сынак тууралуу маалымат берилди.

Маалыматтык технологиялар жана байланыш мамлекеттик комитетинин төрагасы Бакыт Шаршембиевдин айтымында, орусиялык "Вега" радиоуктуруу концерни" компаниясы сынак жеңүүчүсү деп табылган.

"Долбоорду ишке ашыруу наркы 2 миллиард 320 миллион сом суммасын түзөт, бул баштапкы баадан 230 миллион сомго аз. "Вега" компаниясы биринчи лот боюнча 1 миллиард 125 миллион сом сунуштаса, экинчи лот боюнча 1 миллиард 195 миллион сом сунуштаган. Аудитордук текшерүүдөн кийин компания каражатты кепилдик төлөм катары которуп берүүгө тийиш болот", – деди Шаршембиев.

Өкмөт башчы "Коопсуз шаар" долбоорун ишке ашыруу үчүн зарыл болгон видеокөзөмөлдөө камералары орнотулчу конкреттүү кесилиштерди жана унаа жолдор тилкесин көрсөтүү менен тийиштүү келишимди даярдоону тапшырды", - деп айтылат маалыматта.

Белгилей кетсек, коопсуз шаар долбоорун ишке ашыруу үчүн 24-августта өткөрүлгөн сынак үзгүлтүккө учурап, 4-сентябрда кайрадан сынак уюштурулган.

"Коопсуз шаар" "Акылдуу шаар" долбоорунун бир тармагы болуп саналат. Аталган идея 2012-жылдан бери түрдүү себептерден улам ишке ашпай келет.

Автор: Бекболот Сарыбаев

15:12 21-09-2018

Жазылуу

РУБРИКАДАГЫ СОҢКУ КАБАРЛАР

13:45 2025-07-13 | Саясат

"Атамдынбы же энебиздин заманыбы, алдырыңыз". Оштун мэри каналдардын корук аймагын текшерүүдө 182 0

12:58 2025-07-13 | Кылмыштар, кырсыктар

Бишкекте социалдык тармак аркылуу казак аялдарына асылган жаран кармалды (видео) 505 0

12:43 2025-07-13 | Саясат

Аламүдүндүн акими районду текшерүү үчүн велосипед менен чыкты (видео) 435 0

12:19 2025-07-13 | Түркүн дүйнө

Япониянын жээктеринде Нери күчтүү тайфуну пайда болду 342 0

11:50 2025-07-13 | Коом жана турмуш

Транспорт министри Таласта жасалып жаткан жолдорду көрүп, ачууланды (видео) 787 0

11:05 2025-07-13 | Түркүн дүйнө

Өзбекстан чет өлкөдөн кайтып келген жарандарын медициналык кароодон өткөрүүнү пландоодо 436 0

Архив

Комментарийлер (2)

tular

2018-09-21 15:35:32

Наконецто оттубу тендер!!! Бирок биздин озубуздун еомпаниялар утса болмок, мисалы Кыргызтелеком, Мегаком...

Dromer

2018-09-22 14:56:46

Мындан канча деген акча түшөт. Түшкөн акчанын 50%дан көбүн ошол уткан компания алат деген жери бар. Бир чети жакшы болуптур. Машина айдагандардын шору гуруйт эми. Ошондо правиланы тазза сактап калатко деп ойлойм.

Комментарий калтыруу үчүн өз ысымыңыз менен кириңиз же каттоодон өтүңүз.