Сузакта тойго кеткен боюнча 15 күндөн бери дайынсыз болгон 21 жаштагы келин изделүүдө

Жалал-Абаддын Сузак районуна караштуу Багыш айылынын 1997-жылы туулган Шахсанам Халматова аттуу тургуну изделүүдө. Бул тууралуу Сузак районунун ички иштер бөлүмүнөн билдиришти.

Маалыматка ылайык, милиция бөлүмүнө изделип жаткан Халматованын күйөөсү кайрылган. Анткени Халматова 2018-жылы 8-сентябрда саат 10:00 чамасында кошунасынын үйүнө тойго кеткен бойдон кайрылып келген эмес.

Шахсанам Халматованын кийген кийимдери: Башында атлас кездемеден жоолук, атлас көйнөк жана атлас шым. Бутунда ак түстөгү жайкы бут кийим. Бою болжол менен 160-165 сантиметр, чачы кара, узундугу белине чейин жетет.

Шахсанам Калматованын жакындары анын кайда экенин көрүп же билгендер болсо же ал тууралуу кандайдыр бир маалыматка ээ болсо 0(3748) 5-09-02, 077887-11-11, 0774 60-60-02 телефон номерлерине байланышып коюуңуздарды суранышат.

Автор: Айзада Тураркулова