Каржы министри: "Министрликтердин бюджетин 14 миллиард сомго кыскартуу пландалууда"

"Министрликтердин бюджетин келерки жылга карап, 14 миллиард сомго кыскартууга мажбур болуп жатабыз", - деп бүгүн, 26-сентябрдагы өкмөттүн отурумунда каржы министри Адылбек Касымалиев билдирди.

Анын айтымында, кыскартуу мамлекеттик мекемелердеги чыгымдарды азайтуу үчүн жасалып жатат.

"Биз 2019-жылдын бюджетин карап, министрликтердин бюджетин кыскартууга мажбур болуп жатабыз. Алар энергетика, транспорт, саламаттыкты сактоо, билим берүү, суу менен камсыз кылуу жана социалдык инфраструктураны өнүктүрүү тармактарында кыскартылат", - деди Касымалиев.

Ошондой эле ал 2018-жылдын бюджетин карап жатканда министрликтер менен сүйлөшүп, 4 миллиард сом кыскартылганын айтты.

Автор: Сталбек Абдижалил уулу