Бишкектин Свердлов районунда ирригациялык түйүндѳрдү калыбына келтирүү иштери жүрүүдө

Борбор калаанын Свердлов районунда ирригациялык түйүндѳрдү калыбына келтирүү иштери жүрүүдө. Бул тууралуу мэриянын басма сөз кызматынан билдиришти.

Маалыматка ылайык, 2018-жылдын май айында Свердлов райондук администрациясы тарабынан райондун аймагындагы жана Чыгыш-5, Чыгыш-6 кичи райондорунун ички ирригациялык түйүндѳрүн капиталдык оңдоо боюнча долбоор иштелип чыккан.

"Бүгүнкү күндѳ "Бишкекжашылчарба" муниципалдык ишканасынын жумушчулары тарабынан Герцен кѳчѳсүнүн Түгѳлбай-Ата кѳчѳсүнѳн №11-орто мектептин футбол талаасына чейин ирригациялык түйүндѳрдү алмаштыруу боюнча оңдоо-калыбына келтирүү иштери кызуу жүрүүдѳ. Буга чейин Түгѳлбай-Ата кѳчѳсүнүн Гоголь кѳчѳсүнѳн Сүйүнбаев кѳчѳсүнѳ чейин 228 погондук метр ирригациялык түйүн оңдолгон", - деп айтылат маалыматта.

Автор: Мальвина Уметбекова