Нарында улуу манасчы Сагымбай Орозбак уулунун 150 жылдыгы белгиленип жатат

Нарын облусунун Кочкор районунун Ормонхан айылында Сагымбай Орозбак уулунун 150 жылдык мааракеси республикалык деңгээлде өтүүдө. Иш-чарага Жогорку Кеңештин депутаттары, облус башчысы жана жергиликтүү бийлик өкүлдөрү катышууда.

Маараке саат 11:00дө ат оюндары менен башталды. Кунан чабыш, жорго чабыш жана ат чабыш боюнча жарыштар болуп, учурда көк бөрү оюну өткөрүлүп жатат. Ошондой эле саат 17:00дөн 19:00гө чейин "Манас" айтылмакчы. Ал эми кечки саат 19:00дө расмий ачылыш болуп, анда театралдашкан оюн-зооктор көрсөтүлөт.

Көрүнүктүү манасчы Сагымбай Орозбак уулу (1867-1930) 1867-жылы Ысык-Көлдүн түштүк жээгинде "Кабырга" деп аталган жерде туулган.

Сагымбай Орозбак уулу 9 жашында өзбек молдосунун жетекчилиги алдында арабча билим алып, ырдаганды жана ыр жазганды үйрөнгөн. Ошол мезгилдеги белгилүү манасчылардын айткандарын угуп, "Манас" эпосуна 15 жашынан тарта кызыга баштаган.

Сагымбай Орозбак уулу эл арасында "Манас" эпосунун сюжеттик толуктугу жана жогорку көркөмдүүлүгү менен айырмаланган эң көлөмдүү вариантын айтуучу катары атагы чыккан. Окумуштуу-фольклорчулар арасында анын варианты кыргыздын баатырдык эпосунун классикалык версиясы болуп саналат.

Эпостун текстин жазуу үчүн айтып берген биринчи манасчы - Сагымбай Орозбак уулу. Анын жазгандарын 1922-жылы башталып, 1926-жылы бүткөн жана 260 басма табакты түзөт. Манасчы оорусунан улам манас айтууну уланта албай, эпостун экинчи жана үчүнчү бөлүктөрү "Семетей", "Сейтекти" айтып бере албай калган.

Автор: Айсалкын Качкынбекова
Фото: Айсалкын Качкынбекова

16:12 29-09-2018

Жазылуу

РУБРИКАДАГЫ СОҢКУ КАБАРЛАР

20:34 2025-07-12 | Саясат

Шыкмаматов Балыкчыдагы текшерүү боюнча маалыматты жеткиргендерди жазалады (видео) 1956 0

19:22 2025-07-12 | Түркүн дүйнө

Ташкентте көзөмөлсүз калган эки бала бассейнге чөгүп каза болду 1007 0

17:51 2025-07-12 | Коом жана турмуш

“Камалып калгандар болот”. Бишкекте толук бүтпөгөн үйдүн жашоочулары лифттин иштөөсүнө нааразы 1294 0

17:33 2025-07-12 | Кылмыштар, кырсыктар

Бишкекте жол тандабас катуу ылдамдыкта келип дубалды сүзүп токтоду (видео) 1699 0

17:23 2025-07-12 | Кылмыштар, кырсыктар

Токмокто өспүрүмдөр массалык мушташты (видео) 1259 0

16:24 2025-07-12 | Коом жана турмуш

УКМК жөнүндө кино тартылып жатат (видео) 1477 0

Архив

Комментарийлер (3)

Qwer007

2018-09-29 16:21:27

Албетте той болгону жакшы, бирок калк карызга батып турганда тойлорду азайтып эле туру керекго. Тойду шылтоо кылып дагы буджеттен канчалаган акчаларды жеп жатышат...жегичтер

filis

2018-09-29 17:26:24

Колдоочубуз Манас атабыз.

Diana-Ban

2018-09-30 21:27:20

Качан тойду токтотобуз? Качан чыгашаны азайтабыз?

Комментарий калтыруу үчүн өз ысымыңыз менен кириңиз же каттоодон өтүңүз.