Лунара Мамытова дипломатиялык паспортту колдонгону боюнча Башкы прокуратурага чакырылды

Эмгек жана социалдык өнүктүрүү министрлигинин жетекчилери дипломатиялык паспортторду колдонгондугу боюнча Башкы прокуратурага чакырылды. Бул тууралуу бүгүн, 2-октябрда SUPER.KGˊге аталган министрликтин башчысынын орун басары Лунара Мамытова билдирди.

Анын айтымында, башкы көзөмөл органы министрликтин жетекчилеринен Жогорку Кеңештин депутаты Аида Касымалиеванын сөзүнүн негизинде түшүндүрмө берүүнү суранган.

“Башкы прокуратурага биздин министрликтин жетекчилери чакырылган. Мен дагы бардым. Ал жерде эч кандай текшерүү болгон жок. Болгону кызматтык жана дипломатиялык паспортторду колдонгондугубуз боюнча түшүндүрмө бердик. Депутат айым айткандан кийин аталган орган түшүндүрмө алууга акылуу. Бул иш боюнча прокуратура өз иликтөөсүн аяктаган соң бул иштин жыйынтыгы белгилүү болот. Азыр ар ким өз жумушун жасап жатат”, - деди Мамытова.

24-сентябрда Жогорку Кеңештин комитет жыйынында депутат Аида Касымалиева эмгек жана социалдык өнүктүрүү министри, анын орун басары Лунара Мамытова чет өлкөгө чыгууда көпчүлүк учурда дипломатиялык паспортту колдоно турганын билдирген. Кийин аталган министрлик Лунара Мамытованын чет мамлекетке чыкканы боюнча түшүндүрмө берген.

Автор: Сталбек Абдижалил уулу

23:55 02-10-2018

Жазылуу

РУБРИКАДАГЫ СОҢКУ КАБАРЛАР

19:43 2025-07-13 | Түркүн дүйнө

Израилдин июндагы Иранга болгон соккусунда өлкөнүн президенти жаракат алды 160 0

18:20 2025-07-13 | Коом жана турмуш

Казакстанда жолдошуна экинчи аял алып берген аялдын видеосу тарады 878 0

18:02 2025-07-13 | Саясат

Сузактагы үйү өрттөн жабыркаган эки үй-бүлө жаңы турак жайлуу болушту (сүрөттөр) 462 0

17:05 2025-07-13 | Саясат

Көлбаев атындагы тоннелдин жолдоруна августтун аягына чейин асфальт төшөлөт 579 0

16:53 2025-07-13 | Түркүн дүйнө

Парижде жаңы мамлекетти түзүү жөнүндө келишимге кол коюлду 762 0

16:17 2025-07-13 | Түркүн дүйнө

Испанияда мигранттар менен жергиликтүүлөрдүн массалык мушташы катталды (видео) 835 0

Архив

Комментарийлер (9)

erkeleim

2018-10-02 13:44:43

Жооп берсин пенсионерлерди мазактагансып заграницага тур агенство аркылуу чыкканга жетет пенсиянар деп. Тооба тооба байды кудай ураарда оз элине кас болот деп элдин акчасын жеп, тайрандап чет жакта эс алып эми байкуш эки мешок унга жетпеген пенсионерлерди мазактайт...

+17

Bars88

2018-10-02 14:25:40

Озунун ата апасы саякаттап журсо керек да.Элдин баарын ошолордой сезип алыптыр

+12

Chagylgan2

2018-10-02 17:30:04

Дипломатиялык паспортту колдонгону, жумуш убактысында мыйзамда корсотулгондон коп жолу эмгек оргуусун алышканы, Казынанын эсебинен сыртка саякатка чыккандары, тышта оздорун талапка ылайык алып журбогону учун социалдык коргоо министри жана анын эки орун басары, Каденова менен Мамытова жумуштан бошотулушу керек, Окмоттон иштеткен ар бир акчаны казынага кайтаруулары керек жана мыйзам чегинде 1-2 жылга жатак абакка камалышы керек булар...

Эй Соке, уктунбу?!!

barakcha

2018-10-03 09:06:43

Мамытова жооп берсин!Королукчу бийликтин таза иштегенин....

Natun

2018-10-03 09:58:12

Зууракан Каденова да, Таалайкүл Исакунова да, Лунара Мамытова да экс-президент Алмазбек Атамбаевдин убагында дос-тааныштык принциптин негизинде кызматтарга отурушкан. “Саякатчы бакалар” негизинен 2017-жылы көп саякатташканы көрүнүп турат. Жардылыктын азабын тартышкан кедей-кембагалдардын, камкордуксуз наристелердин, майып-мунжулардын насиптерине саякаттаган, үй-бүлөлөрү менен шаан-шөкөттүү, берекелүү жашоо курган бул чиновник айымдар эски-бийлик тушунда каалаганын кылып, чалчактап турушкан.

Chagylgan2

2018-10-03 10:36:43

Natun, Жээнбеков бийликке келгенден бери абал озгоруп кеткен жок. Каяктагы коррупционерлерди кызматка коюп жатат... Атамбаев убагында Кыргызстан кандай сазга баткан олко болсо, азыр да ошол таз кейпинде...

Erik2018

2018-10-03 09:58:58

Эгер чынында эле дипломаттык паспортту ашкере колдонуу фактысы анда мыйзам алдында жооп бериши керек.

Mongol1155

2018-10-03 10:57:28

Тез-тез эле отпускага чыгып, командировкада жургондору тан калтырат.Башка сотрудниктери жокпу?Туура эмес суйлоо адамдын эн жаман касиети. Пенсияларды озгортуу менен алек болсо, абдан кубанычта болот элек.

wwwonline

2018-10-03 17:12:02

Bul aiymga okshogon okmotto ishtegender eldin akchasyna, chet mamleketten kelgen jardam akchalarga sayakattap, chet mamleketke okuularga baryshyp jyrgap ele jurushot. Bul aiym diktorluktu chanyp, kesibi tuura kelbese da bir ministrlikti jetektep oturbaiby. Emne deibiz, Kyrgyzstanda jashoo jargal.

Комментарий калтыруу үчүн өз ысымыңыз менен кириңиз же каттоодон өтүңүз.