Уулун дарылатуу үчүн мамлекеттик квота менен Анкарага барган эне "бизди кайра кете бергиле деп жатышат, Түркиядагы Кыргыз элчилигинен эч кандай колдоо болгон жок" дейт

Сезим Жунушованын уулу

Сезим Жунушова

Ысык-Көл районунун жашоочусу Сезим Жунушова уулунун кулактарына имплант койдуруу үчүн Түркияга барган. Дарыгерлердин "кайра мекениңерге кете бергиле" дегенин уккан эне жардам сурап президент Сооронбай Жээнбековго жана Жогорку Кеңештин депутаттарына кайрылды.

"Биз ушул жылдын 28-июлунда Туркия мамлекетинин Анкара шаарына мамлекеттик квота менен 3 жарым жашар улуубуздун кулактарына имплант койдуруу максатында келгенбиз. Бирок ушул убакка чейин эч кандай жыйынтык чыккан жок. Доллар кымбаттап кеткенине байланыштуу имплант кымбаттап, 2 ай 5 күн дегенде гана "кете бергиле" деген жоопту беришти. Эки өлкөнүн келишиминде "операция жасалбай кайра келесиңер" деген нерсе жок да. Түрк тарап келишимди бузуп жатат", - деди ал.

Ошондой эле уулун дарылоо үчүн элден жардам сурап, кайрымдуулук концертин өткөрүшкөнүн айтып шартын түшүндүрдү.

"Биз өзүбүз жаш үй-бүлөбүз, азыр кетип, кайра келгенге эч кандай шартыбыз жок. Түркиядагы Кыргыз элчилиги да жардам бере алган жок. Биздин ары-бери келип-кеткен чыгымыбыз асманга эле учуп кетип жатпайбы? Ушул жактан уулубуз угуп, анан кетебиз деген чоң үмүт менен келгенбиз. Бирок ал үмүтүбүз акталбай турат. Жыйынтык жок эле үйгө кайткыбыз келбейт. Бизди коргоп, колдогон эч ким жок болуп турат. Анкара шаарында биз жалгыз эле эмеспиз. Жаныбызда дагы 2 бала бар. Башка клиникада 3-4 Кыргыз жарандары. Баарыбыздын көйгөйлөрүбүз окшош. Виза маселеси турат, мөөнөтү 20 күндөн кийин бүтөт. Акыбалыбыз оор бойдон калууда.

Президентибизге жана депутаттарыбызга бизди бул кырдаалдан чыгарат деген акыркы үмүт менен кайрылып олтурам", - дейт Жунушова.

Автор: Айпери Ганыжан кызы

23:56 04-10-2018

Жазылуу

РУБРИКАДАГЫ СОҢКУ КАБАРЛАР

20:34 2025-07-12 | Саясат

Шыкмаматов Балыкчыдагы текшерүү боюнча маалыматты жеткиргендерди жазалады (видео) 2212 0

19:22 2025-07-12 | Түркүн дүйнө

Ташкентте көзөмөлсүз калган эки бала бассейнге чөгүп каза болду 1131 0

17:51 2025-07-12 | Коом жана турмуш

“Камалып калгандар болот”. Бишкекте толук бүтпөгөн үйдүн жашоочулары лифттин иштөөсүнө нааразы 1388 0

17:33 2025-07-12 | Кылмыштар, кырсыктар

Бишкекте жол тандабас катуу ылдамдыкта келип дубалды сүзүп токтоду (видео) 1817 0

17:23 2025-07-12 | Кылмыштар, кырсыктар

Токмокто өспүрүмдөр массалык мушташты (видео) 1381 0

16:24 2025-07-12 | Коом жана турмуш

УКМК жөнүндө кино тартылып жатат (видео) 1579 0

Архив

Комментарийлер (4)

pat12

2018-10-04 14:20:51

Сапатты жапкан жоксунар деп Эрдоган таарынып калыптырбы?

erkeleim

2018-10-04 14:33:44

Элчилерден бир эле Кылыч Султан агай иштейт. Башка элчилер бекинип сен мага тийбе мен сага тийбе деп мамлекеттин акчасын жеп журушот. Кылыч Султан мн кантип бийланышса болот? Сунуштарым бар эле

admin_superstan

2018-10-04 15:59:50

erkeleim,
Саламатсызбы! Кылычбек Султандын фейсбуктагы баракчасына кат жазып кайрылсаңыз болот.
https://www.facebook.com/kylychbek.sultan

Megapoliz

2018-10-05 01:01:39

Ээээ Начар экен значит туркторда байкуштарды кыйнап...

Комментарий калтыруу үчүн өз ысымыңыз менен кириңиз же каттоодон өтүңүз.