Депутат эгиз кыздарын таппай жүргөн кишинин окуясын айтып берди

"Сот эгиз кыздын атасын макулдугу жок аны ата-энелик укугунан ажыратып, балдар үйүндөгү эгиздерди белгисиз жакка жиберишкен” деп бүгүн, 11-октябрда Жогорку Кеңештин жалпы жыйынында депутат Карамат Орозова билдирди.

Депутаттын айтымында, Дордой-2 конушунун тургуну жашоо-шартынын оордугунан эгиз кыздарын балдар үйүнө убактылуу берип учурда аларды таппай жүргөн чагы.

“Мен көтөргөн маселе боюнча өткөндө тиешелүү министрлик жалган маалымат дептир, ошого жооп берип коёюн. Менин кабылдамама Бишкек шаарынын Дордой-2 конушунун тургуну Шамурзаев келди. Анын 7 баласы болгон, эң кичүүлөрү - эгиз кыздар. Шамурзаев бир канча жыл мурун жашоо-турмушунун оордугунан Орусияга иштегени кеткен. Анын үй-бүлөсү көп жолу социалдык өнүктүрүү министрине кайрылган. Аталган министрлик ата-эненин суранычы менен балдарды “турмуш-шартыңар жакшырганда аласың” деп эгиз кыздарын балдар үйүнө алган. Кийин Шамурзаев үйлүү болуп, кыздарын алайын десе алар жок экен.

Сот Шамурзаевдин макулдугу жок аны аталык укуктан ажыратып, эгиздерди эки башка жакка жиберип коюшкан. Азыр кыздардын атасы эркек болсо да балдарымды таап бергиле деп ыйлап отурат. Соттошоюн десе адвокатка берүүгө акчасы жок. Эмне үчүн балдар үйүнүн кызматкерлери ушундай мыйзам бузууга алып барышат. Ушул маселеге көңүл буруп коюңуздар”, - деп депутат өкмөт өкүлүнө кайрылды.

Автор: Сталбек Абдижалил уулу

11:24 11-10-2018

Жазылуу

РУБРИКАДАГЫ СОҢКУ КАБАРЛАР

11:56 2025-06-30 | Кылмыштар, кырсыктар

Бишкектин вице-мэри Талайбек Байгазиев опузалап алган акчасын кайтаруу учурунда кармалды 141 0

11:24 2025-06-30 | Түркүн дүйнө

Францияда 1-июлдан тарта коомдук жайларда тамеки чегүүгө чектөө кирет 110 0

11:22 2025-06-30 | Түркүн дүйнө

Измирдеги Аднан Мендерес аэропорту кайрадан учууларга ачылды 140 0

11:17 2025-06-30 | Саясат

"Ойногонуңарды көрбөйүн..." Ташиев эмгек өргүүсүнө чыкчу жетекчилерге кайрылды (видео) 624 0

11:13 2025-06-30 | Коом жана турмуш

Өлкөдө айрым багыттар боюнча сырттан окууга убактылуу чектөө киргизилди 280 0

11:01 2025-06-30 | Түркүн дүйнө

Иранда Израил менен согушта каза болгон аскер жетекчилери жана ядролук илимпоздор массалык түрдө жерге берилди 568 0

Архив

Комментарийлер (6)

Jelezo

2018-10-11 11:55:32

Сатып жиберишти да

+13

Tolkun555

2018-10-11 12:03:10

Сотторду соттош керек

+13

Dinar.raiymjan

2018-10-11 12:44:49

Оа жакшы кылдыныз.. Соттордун озун соттош керек болуп калды..

barakcha

2018-10-11 12:55:11

Кудай сактаааа...адамдар иштебей эле кимдер иштеп аткан жогорку жакта?

bibi87

2018-10-11 15:15:43

Ата энеси жок, томолой жетим балдар толтура го, ошолорду асырап алууга берсе болбойбу акмактар, атасы бар кыздарды экиге болбой, тем более эгиздерди. Кантип дити барат ушундай ыплас иштерге, жазалаш кк тиешеси бар адамдарды.

Alleria

2018-10-12 09:51:25

Сатып жиберишти да бизде бала сатуу бир буюм саткандай эле болуп калды го. Коркосуң. Жүрөгү жок мерез адамдар кайдан жаралышат билбейм тообо

Комментарий калтыруу үчүн өз ысымыңыз менен кириңиз же каттоодон өтүңүз.