СУПЕРСТАН: "Мен бир адамды аябай сагындым, азыр ошол жанымда болуп калса деп кыялданам"

SUPER.KG порталынын "Суперстан" бөлүмүндө "Дал ушул учурда жаныңызда ким болсун дейсиз?" деген тема талкууга алынган.

Автор: "Мен "Big Bang" тобунун ырчысы Темпо пайда болуп калса экен деп жатам" деген суроосун калтырган.

Темадагы билдирүүлөрдөн:

- "Ата-энем, бир туугандарым, анан дагы бир адам болсо экен деп коюп отурам, өзүм жалгыз..."

- "Азыр жанымда жакын досторум болуусун каалайт элем, себеби айлана-чөйрөдөгү жасалма достордон чарчадым, өзүмдүн досторум болсо чер жазышып сүйлөшүп, балалык кезди эстеп, окуучулук күндөрдү, туулуп өскөн айылымды сүйлөп отурмакпыз. Көптөн бери чер жазышып сүйлөшө элекмин".

- "Эч кимдин кереги жок, жалгыз отурсам деп кеттим..."

- "Апам жанымда болсо эркелеп алмакмын. Аябай сагындым".

- "Азыр жанымда кыялымдагы ак боз атчан ханзаада болсо, и-ий, анда аябай эркелемекмин".

- "3 досумду сагындым... Алар менен жүргөндө дүйнө биз үчүн жаралгандай эле. Көптөн бери "чындап" күлө элекмин..."

- "Китепканадан таанышкан бала жанымда болуп калса кана".

- "Азыр алыста жүргөн бир адам жанымда болсо..."

- "Мен бир адамды аябай сагындым, азыр ошол жанымда болуп калса сонун болмок эле".

- "Түштөн кийин эле кеткен болчу, бирок азыр жанымда болсо менден өткөн бактылуу адам болбойт эле".

- "Жанымда ишеничтүү жакын адамым болсо дейм. Болгон ичимдеги сырымды айтып жеңилдей тургандай. Бирок андай адам таба албайм го..."

Талкууга кошулгуңуз келсе, бул жакка баш багыңыз.

Автор: Жаңылай Кекеева