Ошто студенттер жер титирегенде эмне кылуу керектигин үйрөнүштү

Өзгөчө кырдаалдар министрлигинин Ош шаары боюнча башкармалыгынын кызматкерлери шаардагы студенттерге тактикалык машыгуу өткөрүштү. Аларга өзгөчө кырдаалдар пайда болгондо өзүн-өзү алып жүрүү, коопсуздук эрежелери жана кырдаал болгон аймактан коопсуз жайга эвакуациялоо иш-чаралары боюнча машыгуу өткөрүлдү. Ошондой эле жер титирөө учурунда студенттерди эвакуациялоо, өрт кырсыгы келип чыккан учурда өрттү өчүрүү, жабыркагандарга медициналык жардам көрсөтүү практика жүзүндө көрсөтүлдү.

Иш-чарага болжол менен 630га жакын студент жана мугалимдер катышты.

Автор: Мальвина Уметбекова