"ЭЛДИК КАБАРга" жооп: "Кинону көрсөтүүнү уюштуруу айтылган, билет алууга мажбурлоо болгон эмес" дейт Ноокен райондук билим берүү башкармалыгы

Жалал-Абад облусуна караштуу Ноокен районунда мугалимдерди, окуучуларды мажбурлап театрга билет алдырышып жатканы тууралуу "ЭЛДИК КАБАРга" WhatsApp аркылуу байланышкан окурман кабарлаган эле.

Ал "Биздин мектеп" деген кинону көрүү үчүн окуучулар 60 сомдон, мугалимдер 100 сомдон милдеттүү түрдө билет алып, бирок көрүшпөгөнүн айткан. Ошондой эле билетти милдеттүү түрдө сатып алуу Ноокен райондук билим берүү бөлүмүнүн башчысынын буйругу экенин билдирген.

Бул боюнча Ноокен райондук билим берүү бөлүмүнүн жетекчиси Бакыт Козуев: "Бизде андай буйрук чыккан эмес. Уюштуруп берүү боюнча облустук билим берүү бөлүмүнүн, райондук администрациясынын каты бар. Тасманы ден соолугунун мүмкүнчүлүгү чектелген балдардын коому коюп жүрөт. Спектаклди же кинону көрүүгө эч ким мажбурлаган жок", - деди.

Мындан сырткары тасманы көрбөй калган окурмандар билеттин акчасын кайтарып ала алышарын кошумчалады.

Белгилүү болгондой, Билим берүү жана илим министрлиги тарабынан "Жаштар биримдик" коомдук фондуна концерттик программа менен тасманы көрсөтүүгө көмөктөшүү боюнча өлкөдөгү билим берүү мекемелеринин жетекчилерине кат жөнөтүлгөн. Катта "Концерттин жана кинонун сюжети аркылуу балдардын патриоттук сезимин ойготуу жана жаштар арасындагы ынтымакты бекемдейт деген максатта, билим берүү мекемелеринин жетекчилерине концертти жана кинону мектеп окуучуларына, эмгек жамаатына каалоосуна жараша көргөзүү мүмкүнчүлүгүн кароого жиберет", - деп айтылат.

Дал ушундай кат Ноокен райондук мамлекеттик администрациясынын башчысынын, Өкмөттүн облустагы өкүлчүлүгүнүн атынан Ноокен райондук билим берүү бөлүмүнө келген. Кийин мектептерге концертти уюштуруп берүү тууралуу кат жиберилген.

"Жаштар биримдик" коомдук фонду мектептерге ден соолугунун мүмкүнчүлүгү чектелген таланттуу жаштар тарабынан даярдалган концерттик программаны көрсөтүп жүргөнү белгилүү болду.

Автор: Айпери Ганыжан кызы

20:27 12-10-2018

Жазылуу

РУБРИКАДАГЫ СОҢКУ КАБАРЛАР

18:02 2025-07-13 | Саясат

Сузактагы үйү өрттөн жабыркаган эки үй-бүлө жаңы таурак-жайлуу болушту (сүрөттөр) 14 0

17:05 2025-07-13 | Саясат

Көлбаев атындагы тоннелдин жолдоруна августтун аягына чейин асфальт төшөлөт 295 0

16:53 2025-07-13 | Түркүн дүйнө

Парижде жаңы мамлекетти түзүү жөнүндө келишимге кол коюлду 414 0

16:17 2025-07-13 | Түркүн дүйнө

Испанияда мигранттар менен жергиликтүүлөрдүн массалык мушташы катталды (видео) 543 0

15:23 2025-07-13 | Коом жана турмуш

ӨКМ: Көл-Төр көлүнүн жолунда жайгашкан айыл элинин тынчсыздануусуна негиз жок 416 0

15:03 2025-07-13 | Саясат

Оштун мэри нөшөрлүү жаанда шаарды каптаган суунун себебин айтты (видео) 1241 0

Архив

Комментарийлер (3)

Malik92

2018-10-12 21:15:38

Жакында Барпы театрында мажбур концерт кордук.Концерт орто болду.Расул,Самаган ырдашты.Кок жанактык жердеш карындашын колдошуп.Концертке барганыма окунгон жокмун.Индия кинолорундагы ырларды соонун ырдады.

tynar92kg

2018-10-12 21:35:09

Ушул эле кинону Аксыгада коюп келген. Жумушта туштонуудон келчен столдун устуно билет коюп коюптур. Кийин эле артымдан келип 100 сом алып кетти. Киного барасынбы жоксу сураганда Адам жок же жумушундан жооп берсе экен барып коруп келгенге. Бир соз мн айтканда мажбурлап эле акчанды алып кетти

Aikaaaa

2018-10-12 21:56:42

Эми мугалимдердин өтүн алат да

Комментарий калтыруу үчүн өз ысымыңыз менен кириңиз же каттоодон өтүңүз.