ЖЫЛНААМА, 16-ОКТЯБРЬ: Жогорку Кеңештин депутаты Алмазбек Баатырбеков 48 жашка толду

"Кыргызстан" фракциясынын лидери Алмазбек Баатырбеков 1970-жылы Нарын облусунун Ат-Башы айылында туулган.

Ал Кыргыз мамлекеттик улуттук университетинин эсеп-коммерциялык, андан кийин юридика факультетин аяктаган.

1995-жылдын декабрь айынан июнь айына чейин - Мамлекеттик салык инспекциясынын Октябрь районунда инспектору;

1995-2003-жылдары – Мамлекеттик салык инспекциясынын Биринчи Май району боюнча инспектору, сектор башчысы;

2003-2006-жылдары – Мамлекеттик салык инспекциясынын Ленин району боюнча башчысы;

2006-2008-жылдары – Мамлекеттик салык инспекциясынын Свердлов району боюнча бөлүмүнүн башчысы;

2008-2009-жылдары – Айыл, суу чарба жана кайра иштетүү өнөр жай министрлигине караштуу Спирт жана алкоголь продукциясын чыгаруу, сактоо жана сатып өткөрүү боюнча мамлекеттик агенттигинин директору;

2009-2010-жылдары – Экономиканы жөнгө салуу министрлигине караштуу Этил спирти менен алкоголь продукцияны чыгарууну жана өндүрүүнү контролдоо боюнча мамлекеттик инспекциясынын директору;

Ал эми 2010-жылдын октябрында "Республика" саясий партиясынын тизмеси боюнча Жогорку Кеңештин депутаты болуп шайланган. 2015-жылы "Кыргызстан" партиясынын тизмеси менен Жогорку Кеңештин депутаты болуп шайланган. Учурда аталган фракциянын лидери.

16-октябрга карата жылнаама.

Автор: Жылдыз Джускембаева