Баш прокурор президенттин намысын сотто коргош үчүн анын макулдугун суроого милдеттендирилди

Жогорку Соттун алдындагы Конституциялык палата президенттин намысын сотто коргоо маселеси боюнча чечим чыгарды. Бул тууралуу "Институт Медиа Полиси" коомдук фонду жарыялады.

Маалым болгондой, 17-октябрда аталган палата жогорудагы фонддун жана "Адилет" укуктук клиникасынын арызын карап, жарым жартылай канааттандырды. Чечимге ылайык, баш прокурор президенттин намысын, кадыр-баркын сотто коргош үчүн андан макулдук сураш керек. Конституциялык палата азыркы учурда президенттин статусу боюнча айрым мыйзамдар Конституцияга карама-каршы келет деген бүтүм чыгарды.

Автор: Нургазы Аматов