8 жаштагы кызды зордуктоого аракет кылган деп 15 жылга камалган 67 жаштагы жарандын күнөөсү далилденген жок

Аламүдүн районундагы айылдардын биринде 8 жаштагы кызды зордуктоого аракет кылган деп 15 жылга эркинен ажыратылган 67 жаштагы жаранга сот чечими өзгөртүлүп, ал 3 жыл 9 айга эркинен ажыратылды. Чүй облустук сотунун чечимине ылайык, ал жатак абагына которулат. Облустук соттун басма сөз катчысы Байыш Байгазиновдун айтымында, айыпталып жаткан адамдын 8 жаштагы кызды зордуктоого аракет кылганы аныкталган жок.

"5-октябрда облустук сот райондук соттун чечимин өзгөртүп, 15 жылга белгиленген жаза мөөнөтүн 3 жыл 9 айга өзгөрттү. Себеби экспертизанын жана күбөлөрдүн берген маалыматы боюнча 67 жаштагы жаран кызды зордуктоо аракетине барган эмес. Окуяга күбө болгон кыздардын айтымында, ал жаран кызды почтанын алдында колунан кармап, бетинен эле өөп койгон. Почтада иштеген кызматкерлер да ушундай маалымат беришти. Сот чечимине ылайык, эми ал жатак абагына которулат, азырынча СИЗОдо", - деди Байгазинов.

2017-жылдын 9-сентябрь күнү Аламүдүн районундагы айылдардын биринде 8 жаштагы кызды зордуктоого аракет кылды деген шек менен 67 жаштагы Б.К. аттуу жаран кармалган.

Чүй ОИИББинин берген маалыматына ылайык, 2017-жылдын 9-сентябрында Б.К. аттуу 67 жаштагы адам саат 17:30 чамасында дүкөнгө бара жаткан 8 жаштагы кызды кармап өпкүлөп, кыйкырганына болбой ич кийимдерине чейин колун салып, ыплас аракеттерди жасаган. Окуя болгон жерге барган милиция кызматкерлери мас абалындагы 1951-жылы туулган Б.К. аттуу кишини кармашкан. Бул окуя боюнча Аламүдүн РИИБинин тергөө бөлүмү тарабынан Кылмыш-жаза кодексинин 130-беренеси (сексуалдык мүнөздөгү зомбулук аракеттер) менен кылмыш иши козголуп, тиешелүү соттук экспертизалар дайындалган. Бул окуя боюнча Аламүдүн райондук сотунун чечими чыгып, айыпталуучу 15 жылга эркинен ажыратылган. Бирок буга каршы экенин билдирген соттолуучунун жакындары Чүй облустук сотуна кайрылышкан.

Автор: Жамалидин Парманкулов

12:25 18-10-2018

Жазылуу

РУБРИКАДАГЫ СОҢКУ КАБАРЛАР

23:32 2025-06-16 | Кылмыштар, кырсыктар

Базар-Коргондо милицияга мэриянын кызматкери пара берип жатып кармалды 208 0

22:15 2025-06-16 | Түркүн дүйнө

Си Цзиньпин Астанага Казакстандын согуштук учактарынын коштоосунда келди 953 0

21:37 2025-06-16 | Түркүн дүйнө

Алып баруучу түз эфирде отурган... Израил Ирандын мамлекеттик телеканалын жардырды (видео) 2977 0

20:58 2025-06-16 | Коом жана турмуш

"Кичинекей жерде 18 адам жашайт". Оштун мэри үйлөрү бузулгандарга түшүндүрүү иштерин жүргүздү (видео) 1096 0

20:35 2025-06-16 | Саясат

Садыр Жапаров Астанага “Борбор Азия – Кытай” экинчи саммитине катышууга барат 394 0

20:22 2025-06-16 | Саясат

Садыр Жапаров Германиянын Кыргызстандагы элчисин кабыл алды 303 0

Архив

Комментарийлер (13)

shergazy9

2018-10-18 12:30:15

Бир ообуп коюп 3 жылга
Атасы дагы этиятташ керек болотго жакында оз кызынын бетин оппой чонойтуп

-7

suyor

2018-10-18 12:49:31

Жашылбайдан таштаса бир эле ооп койду болуп жазылат, кобуроок таштаса колун кармап жетелеп койгон болот, дагы таштаса карап койгон болот, дагы таштаса кызды эч коргон эмес)

+11

Majit1975

2018-10-18 17:48:37

suyor,молодец

naziman

2018-10-18 13:50:04

жатак абагы эмнеси

taalay25

2018-10-18 16:06:51

naziman,колония посоленное

-2

Flowhive

2018-10-18 14:13:23

Акчанын күчү керемет

Respect.

2018-10-18 14:14:23

Бирөөнүн кызын чокусуна өбөбү ... Камап түрмө жалко, ХХХХХХХХХ!

Umakg

2018-10-18 14:28:38

Мас болсо ал ошол нерсени кылгандыр

Kgda

2018-10-18 15:01:44

Коншунун жаш кызын жакшы коруп опсо опкондур,жыттап бала жытын 67 жыл жашап, буга чеин жаман ишке барганбы барбаганбы ошол жагын караш керек.Бизди деле аксакал чон энелерибиз ооп койчу кочодон. Мас адам опкусу келип ооп койсо керек куноосу жок деп ойлойм.

Missing-u

2018-10-18 15:55:18

Kgda,бир жагынан ал дагы туура. Кичинебизде Шамши деген авабыз баласы жок балдардын кыйын жакшы короор эле,соосунда дагы алма берип бетибизден мойундардан жыттап небере коруп калсам экен деп мурдубуздан чымчып кое берет эле,алмасы бир ширин болчу ошол маалда арыз жазсак авабыз давно турмодо чирийбиле ким билет...

Fatimka

2018-10-18 19:26:51

Аллах жазасын берсин кутурган чалдын. Жондон жон эле арыз жазмак беле.

Modric10

2018-10-18 21:27:35

подстава болуш керек

-1

nurhan2702

2018-10-21 11:05:04

Бапыйтып соттун оозун майлады да 15 жылдан 3жылга тушуруп салганына караганда .Аман эле болсун соттор озунордун да балдарынарга ошондой кырсык келсинчи эмне болоор экенсинер

Комментарий калтыруу үчүн өз ысымыңыз менен кириңиз же каттоодон өтүңүз.