Бишкекте 18 жаштагы Салман Сатаров унаасы менен үйдөн чыгып кеткен бойдон 19 күндөн бери дайынсыз

Бишкекте 18 жаштагы Салман Сатаров унаасы менен үйдөн чыгып кеткен бойдон 19 күндөн бери дайынсыз болууда. Бул тууралуу бүгүн, 18-октябрда SUPER.KG порталына дайынсыз болуп жаткан шаар тургунунун атасы Бакыт Макамбаев билдирди.

"Уулум Салман 30-сентябрь күнү эртең менен көк түстөгү БМВ үлгүсүндөгү унаасы менен үйдөн чыгып кеткен бойдон дайынсыз болуп жатат. Ал унааларды алып-сатып иштечү. Милицияга жоголгондугу тууралуу арыз жазып кайрылганбыз. Бирок жыйынтык чыккан жок, милиция кызматкерлери "балаңыз тирүү эле жүрөт" деп жатышат. Ошол себептен массалык маалымат каражаттарына кайрылууну туура көрдүм. Уулум ошол күндөн мурун эле айдап жүргөн унаасы менен башка машинаны сүзүп алган болчу. Кийин уулумдун унаасын да, сүзүлгөн машинаны да оңдотуп бергем. Угушумча Салман үйдөн чыгып бараткан күнү унаасы менен дагы бир жол кырсыгына кабылган экен. Балким, ошондон коркуп келбей жаткандыр, эмнени ойлошту билбей калдым. Уулубузга кабатырланып, барбаган жерибиз калган жок", - дейт Макамбаев.

Белгилүү болгондой, дайынсыз жоголгон Салман келишим менен 27-октябрда Японияга иштөө үчүн учуп кетмек. Эртең, 19-октябрь - документтерди даядоо мөөнөтүнүн акыркы күнү.

"Уулум телефон чалбайт же байланышка чыкпайт. Эмне себептен мындай кылып жатканын түшүнбөй жатам. Ал инстаграмдагы баракчасына кирип, улам сүрөттөрүн алмашырып жатат. Бирок биз жазгандарды окубай эле өчүрүп коюуда", - деген Макамбаев уулун кайтып келүүгө чакырды.

Салман тууралуу маалыматты билгендер 0 (705) 58-18-76, 0 (770) 58-18-76, 0 (703) 29-09-04 же "102" номери аркылуу байланышса болот.

Автор: Мальвина Уметбекова
Фото: Мальвина Уметбекова

07:34 19-10-2018

Жазылуу

РУБРИКАДАГЫ СОҢКУ КАБАРЛАР

19:58 2025-07-16 | Коом жана турмуш

"Я свободен". Балыкчынын мурдагы мэри унаасын чимирилтип айдаган видеосун жарыялады 201 0

19:43 2025-07-16 | Түркүн дүйнө

АКШда катуу жааган жамгыр улам көчөлөрдү сел каптады (видео) 103 0

19:20 2025-07-16 | Кылмыштар, кырсыктар

Жалал-Абаддын тургуну мамлекетке чыккынчылык кылгандыгы үчүн соттолду 352 0

19:11 2025-07-16 | Түркүн дүйнө

Орусияда белгилүү ММА мушкерине кол салуу болду 483 0

18:45 2025-07-16 | Түркүн дүйнө

Казакстанда аэропортто аялды барымтага алган жаранга сот өкүмү чыкты 660 0

18:16 2025-07-16 | Коом жана турмуш

Нургазы Курманбеков Бишкек шаарынын мэринин орун басары болуп дайындалды 691 0

Архив

Комментарийлер (3)

asdef

2018-10-18 18:43:46

Келе бер уйуно ата эненди кыжаалат кылбай. Японияга барсан БМВ дан бешти табасын

Razzak.kg

2018-10-18 22:02:36

Ушу ата-энени кыйнап, ойлонтуп, кыжаалат кылгандарды олтуруп эле салсан. Бок- сийдигин тазалап чонойтуп коюп дагы характерине чыдаш керек байкуш ата-эне. Башы жок жаштар

rysik79

2018-10-18 23:29:46

Салман шалман болуп журот да. Аман эле болсун.

Комментарий калтыруу үчүн өз ысымыңыз менен кириңиз же каттоодон өтүңүз.