Казактын коомдук ишмери Кенесары хан буюртма менен эмес, ачык согушта өлтүрүлгөнүн, казактар ачарчылыктан сактап калган кыргыздарга ыраазы болушу керектигин жазды

Казакстандык коомдук ишмер Мухтар Тайжан өзүнүн социалдык тармактагы баракчасына казактардын акыркы ханы Кенесары буюртма менен эмес, ачык согушта өлтүрүлгөнүн жазып чыкты.

Ишмердин бул билдирүүсүн кыргыз интернет колдонуучулары жакшы кабыл алышып Казак тараптан алгачкы жолу ал кездеги болуп өткөн окуяларга калыс баа берилгенин жазышууда.

Өз билдирүүсүндө Мухтар Тайжан Кенесары хан согушту кыргыздар ага орус бийлигине каршы турууда жардам бербей койгондугу үчүн баштаганын баса белгилеген. Ошондой эле Кенесары кыргыздарга туткунга ал учурда аны аз сандагы жоокерлери менен таштап кеткен туугандары Сыпатай жана Рүстөмдүн айынан түшкөнүн айткан.

"Кыргыздар Кенесары кол салган айылдарды коргоп калуу үчүн колуна курал алууга мажбур болушкан. Бул учурда биз кандай чечим кабыл алмак элек? Алар Кенесарынын башын, Кенесары кыргыздардын бай-манаптарынын башын алгандай кылып алышкан. Бул согуш болчу. Кенесарынын башы Жамбы деген аймакта алынган. Анын башын ушул согушта каза болгон Ормон менен Султанбек манаптын тууганы Тайсара алган.

Дагы бир жолу баса белгилеп кетейин, биздин хан буюртма менен эмес, ачык согушта каза болгон. Кыргыздар бул согушта өздөрүнүн айылдарын сакташкан. Ал мезгилден 200 жыл өткөн соң коңшуларга таарынычыбызды айтканыбыз туура эмес. Дүйнөдөгү бардык коңшу мамлекеттердин ортосунда мындай окуялар катталган", - деп жазган коомдук ишмер.

Ошондой эле сөзүнүн аягында Мухтар Тайжан 1930-жылы Казактарда болгон ачарчылык мезгилинде кыргыздар казактарды өз камкордугуна алганын жана бул үчүн кыргыздага ыраазы болуу керектигин кошумчалаган.

"Коңшулар арасында ар кандай нерселер болгон. Бирок мындан аркы мамилебиз кандай болот, ал бизден көз каранды", - деп билдирген коомдук ишмер.

Кийинчерээк ал билдирүүсүн баракчасынан өчүрүп койгон. Бирок казак басылмалары аны жарыялоого үлгүргөн.

Автор: Айзада Тураркулова

13:17 19-10-2018

Жазылуу

РУБРИКАДАГЫ СОҢКУ КАБАРЛАР

13:38 2025-06-30 | Саясат

Садыр Жапаров ЖККУга мүчө-мамлекеттердин тышкы иштер министрлерин кабыл алды 121 0

12:55 2025-06-30 | Коом жана турмуш

Ат-Башыда "Кыргыз даамы", "Кыргыз шырдагы" фестивалдары өттү 174 0

12:26 2025-06-30 | Кылмыштар, кырсыктар

Айдоочу, абайла! Бишкекте жол кырсыгынан айдоочу каза болуп, жанындагы кыз оор жаракат алды 919 0

11:56 2025-06-30 | Кылмыштар, кырсыктар

Бишкектин вице-мэри Таалайбек Байгазиев опузалап алган акчасын кайтаруу учурунда кармалды 1163 0

11:24 2025-06-30 | Түркүн дүйнө

Францияда 1-июлдан тарта коомдук жайларда тамеки чегүүгө чектөө кирет 230 0

11:22 2025-06-30 | Түркүн дүйнө

Измирдеги Аднан Мендерес аэропорту кайрадан учууларга ачылды 320 0

Архив

Комментарийлер (3)

romaantik

2018-10-19 13:51:34

Азаматсын тарых чындыгын айтып чыгыпсын. Откон отту кеткен кетти эми келечек алдыда эки боордош эл тынчтык биримдикте болгону маанилуу

+11

kolyn

2018-10-19 14:03:04

Мына бар экенго казактардан калыс баа берген адам.Биздин ханыбызды өлүргөнсүңөр деп ушул күнгө чейин чырылдашат.Орустар айткандай:-"Кто с мечом придет от меча и погибнет".Кыргыздар өз жерин коргошкон.

+11

murat17

2018-10-19 17:01:18

алла ыраазы болсун

Комментарий калтыруу үчүн өз ысымыңыз менен кириңиз же каттоодон өтүңүз.