Жол кырсыгынан кийин урушта каза болгону айтылган чиновниктин өлүмүнө шектүүнүн карындашы: "Агам жол кырсыгына күнөөлүү, бирок чиновникти өлтүргөн жок"

21-октябрь күнү Бишкекте "Кыргызаэронавигация" мамлекеттик ишканасынын директорунун орун басары Маматназар Жакыпбаев жол кырсыгынан кийинки урушта башынан жаракат алып каза болгон. Маркумдун жакындары жол кырсыгына күнөөлүү болгон эки адам аны сабап, натыйжада окуя болгон жерде каза болуп калганын айтышкан.

Ошол эле учурда шектүү катары саналып жаткан адамдын жакындары айтылган маалыматтар чындыкка туура келбей турганын белгилеп жатышат. Шектүүнүн Элита Каниметова аттуу карындашы SUPER.KG'ге агасынын сөзүнө таянып, окуя кандайча болгонун айтып берди.

"Жол кырсыгы 21-октябрь күнү саат 20:30 чамаларында Түштүк магистралда болгон. Анда Лексус унаасында менин агам жана классташ досу болгон. Агамдын айтымында, ал алдында бараткан унааны сүзүп алгандан кийин эки тарап тең сыртка чыгып сүйлөшүп, чыгымдын ордун толтуруп берүүгө макулдук берген. Ошол учурда күтүүсүз жерден эле экинчи унаанын айдоочусу (Жакыпбеков - ред.) жерге жыгылып түшкөн. Агам ага кайрылып, "байке, баары жакшы элеби?" деп сурап жатканда анын жубайы унаадан чыгып келген. Мүмкүн ошол учурда агам аны уруп жаткандай көрүнгөн болуш керек. Чынында кырсык учурунда агам бир аз спирт ичимдигин ичип алган экен. Бирок каза болгон адамга кол көтөргөн эмес. Агамды билем, өтө оор басырыктуу. Азыр каза болгон адамдардын жакындарына оор болуп жатканын түшүнүп жатабыз, бирок "сабап салды, өлтүрүп койду" айтып жаткандары туура эмес", - деди Каниметова.

Факты боюнча Кылмыш-жаза кодексинин 104-беренеси (ден соолукка атайылап оор залал келтирүү) менен жана Жазык-процесстик кодекстин 94-беренеси менен кылмыш иши козголуп, шектүү катары окуяга катышы бар 2 адам кармалган.

Бишкекте жол кырсыгынан кийинки мушташтан чиновник каза болду

Автор: Жамалидин Парманкулов

23:57 25-10-2018

Жазылуу

РУБРИКАДАГЫ СОҢКУ КАБАРЛАР

20:44 2025-06-29 | Түркүн дүйнө

Белградда миңдеген адам митингге чыгып, мөөнөтүнөн мурда шайлоо өткөрүүнү талап кылышууда (видео) 1225 0

18:09 2025-06-29 | Түркүн дүйнө

Тарыхта биринчи жолу. Тesla электромобили фабрикадан кардардын үйүнө өз алдынча жетти (видео) 1615 0

17:36 2025-06-29 | Түркүн дүйнө

Сеулда пенсионер метро вагонун өрттөп, 150дөн ашуун адам жабыркады (видео) 1201 0

16:49 2025-06-29 | Коом жана турмуш

Орусияда Кыргызстандын 44 миң жараны «Яндексте» эмгектенет 1205 0

16:25 2025-06-29 | Коом жана турмуш

Такыр-Төр көлүнүн кесепеттерин алдын алууга 76 адам тартылды 701 0

15:54 2025-06-29 | Саясат

Кыргызстанга Тажикстандын тышкы иштер министри расмий сапары менен келет 639 0

Архив

Комментарийлер (7)

Abdizhapar

2018-10-25 11:11:36

Оозу кыйшайбай туруп калпты суйлойт кичине кудайдан корксонор боло

taalay25

2018-10-25 11:59:04

ХХХХХХХ башка соз деле жок!

RusMos76

2018-10-25 12:44:37

Соо адам машинасынан тушуп эле жыгылып башын бардюрга уруп олуп калмак меле, куноолуу болгон эки мас эч нерсе болбой, жазасын алышсын адам олтуруу менен!

taalay25

2018-10-26 08:54:06

Агандын алдында болбогондон кийин адвокат болуп ХХХХХХ жейсинби? Озу туртуп алганын, мас экенин озун айттын, тилине тишин кубо. Дагы кийин байкени ал мас эле деп айтбасан болду! Окуя болгон жерде сен болгон эмессин байкенин аялы болгон. Дагы башка куболор чыгып калар

Asyl10

2018-10-26 11:50:31

Кудайды каратып туруп жалганды айткандан коркпойбу карындашы тообоо? Жон элееее озу жыгылып тушуптур да ээ? Агасы мас болсо, демек кыжындашкан, анан кол которгон, ошо оор басырыктуулардан чыгат чон муштум.Бир адамдын омурун алып,балдарын жетим, аялын жесир кылып какшаттыбы, эми алсын жазасын.

Makedonia

2018-10-26 12:55:47

Мен ал кишини жакшы таанычуумун. Анын эчкандай журок ооруусу жок болчу. Озу да жонокой, адамгерчиликтуу, тушунуктуу киши болчу. Бироого каттуу айтып, капа кылганын коргон эмесмин. Аллах коруп турат, чындап жакшы киши болчу.
А окуя жонундо айтып кетсем, мас болгон сенин агаларын, арттан сузгон сенин агаларын, анан уруп олтургон сенин агаларын, эми кайсы бетин менен калп айтып отурасын. Эртен эле мед-экспертизанын жыйынтыгы чыгат, ошондо эле калпын чыгат.

Makedonia

2018-10-26 12:58:13

Ырас ошончолук аракка тоюп машина айдап баратышыптыр, анда акырын айдабайбы. Мейли сузуп алыптыр, анда эле кысчу жерин кысып, кечирим сурап, ошол ордунда чечип кетпейби. Атасы менен тен кишинини эки жагынан жакалап, турткулобой.

Комментарий калтыруу үчүн өз ысымыңыз менен кириңиз же каттоодон өтүңүз.