Гавайиде бороон-чапкын сейрек кездешүүчү жаныбарлар жашаган аралды жок кылды

Гавайиде болуп өткөн бороон-чапкын сейрек кездешүүчү жаныбарлар жашаган аралды жок кылды. Бул тууралуу чет элдик басылмалар жазышууда.

Маалыматка караганда, "Валака" аталыштагы бороон Ист-Айленд аралын толугу менен жууп кеткен.

"Ист-Айленд эң ири аралдардын бири болуп эсептелет. Ал жакта жаныбарлар дүйнөсүндө сейрек кездешүүчү ташбакалар жана тюлендер жашачу. Бул дүйнөлүк экосистемге болгон дагы бир катуу сокку болуп саналат", - деп билдирген окумуштуу Чип Флетчер.

Ошондой эле окумуштуулардын айтымында, бороон-чапкын болбогон күндө деле арал жок болмок. Анткени дүйнөлүк океандагы суунун деңгээлинин көтөрүлүшү ушуга алып келмек.

Автор: Айзада Тураркулова