Рак оорусунан улам бетинин бир бөлүгү, бир көзү, эрининен айрылган Баатыр Баназаровдун абалы жакшы эмес. Апасы күнүмдүк дары-дармекке жардам сурайт

Рак оорусунан улам бетинин бир бөлүгү, бир көзү, эрининен айрылган Баатыр Баназаровдун абалы жакшы эмес. Бүгүн, 8-ноябрда SUPER.KG порталы апасы Саткын Баназаровага байланышка чыкканда ал буларды билдирди.

Баназарованын айтымында, уулунун кулак тарабы теринин рак илдетинен улам жешилип бара жатат.

"Баламдын абалы жакшы эмес. Күн сайын бети канап, жакшы кароону талап кылып жатат. Азыр кулак тарабы күндөн күнгө жешилип баратат. Түнкү уйкусу жакшы эмес, табити да начарлап кетти. Ошентсе да Кудайдан үмүт үзгүм келбейт.

Күнүнө бетин тазалап, таңганга дары каражаттары керектелет. Акчаны жеткире албай кыйнала баштадым. Кээде бинтти да карызга алып жатам. Уулумдун оорудан кыйналганын көрүп өзүм да ооруп калдым", - деди ал.

Баназарова мындан бир нече күн мурун Ош шаарындагы ооруканалардын биринде уулун 10 күн дарылатып келгенин кошумчалады.

"Индияга дарылатууга алып барып келгендерге, ал үчүн жардам колун сунгандарга жараткан жакшылык ыроолосун деп алкап отурам. Бир топ кечигип калган экенбиз, болбосо мындай дарылатуу дароо оң жыйынтыгын бермек. Кеч болгонун билсе да, менин, Баатырдын көңүлүн калтырбай болгон аракетин жумшагандарга ыраазымын. Эми баламдын өмүрүн мүмкүн болушунча узартууга жан үрөп жатам, күнүмдүк дары-дармектерине жардам сурайм. Аны караган дарыгер да байланышка чыгып, абалын сурап турат", - деди бейтаптын апасы.

Айта кетсек, буга чейин Жалал-Абад облусуна караштуу Аксы районунун 33 жаштагы тургуну Баатыр Баназаровдун абалы күндөн күнгө начарлап жаткандыгы маалымдалган. Ал апасы менен Бишкек шаарына келип, кайрымдуу адамдардан жардам чогултула баштаган. Кийин Улуттук онкологиялык борборуна жаткырылып, дарыгерлер анын 12 жылдан бери рак илдети менен күрөшүп келгендигин билдирген. Аз убакыт аралыгында Баназаровдун саламаттыгына кайдыгер карабаган адамдардан акча топтолуп, ал дарыгер Азамат Кошалиев менен бирге Индияга дарыланууга барган. Ал жактан операция жасалып, ушул жылдын март айында бейтап аман-эсен Кыргыз жерине кайтып келген.

Жардам көрсөтүүнү каалагандар үчүн Саткын Баназарованын байланыш номери 0773 679 822.

Рак илдетинен улам бетине Индиядан операция жасатып келген Баатырдын абалы кайрадан начарлоодо

Автор: Кызжибек Раимова

07:41 09-11-2018

Жазылуу

РУБРИКАДАГЫ СОҢКУ КАБАРЛАР

20:44 2025-06-29 | Түркүн дүйнө

Белградда миңдеген адам митингге чыгып, мөөнөтүнөн мурда шайлоо өткөрүүнү талап кылышууда (видео) 1225 0

18:09 2025-06-29 | Түркүн дүйнө

Тарыхта биринчи жолу. Тesla электромобили фабрикадан кардардын үйүнө өз алдынча жетти (видео) 1615 0

17:36 2025-06-29 | Түркүн дүйнө

Сеулда пенсионер метро вагонун өрттөп, 150дөн ашуун адам жабыркады (видео) 1201 0

16:49 2025-06-29 | Коом жана турмуш

Орусияда Кыргызстандын 44 миң жараны «Яндексте» эмгектенет 1205 0

16:25 2025-06-29 | Коом жана турмуш

Такыр-Төр көлүнүн кесепеттерин алдын алууга 76 адам тартылды 701 0

15:54 2025-06-29 | Саясат

Кыргызстанга Тажикстандын тышкы иштер министри расмий сапары менен келет 639 0

Архив

Комментарийлер (10)

i1urp

2018-11-08 20:02:01

Тенирим ден соолук берсин. Оорудан ТЕНИРИМ сактасын.

-17

Anarik87

2018-11-08 22:11:27

Айыгып кетсин оомин колунда бар адамдар жардам берсенер канча сооп алат эленер

+11

Luna15

2018-11-10 17:43:37

Anarik87,апанын толук аты жонун жазып коюнуздарчы

Alia82

2018-11-08 22:25:36

Кудайым шыпаасын берсин

+11

Pamirlan

2018-11-08 22:58:44

Шыпаасын берсин, Кудайым каап

admin_superstan

2018-11-09 09:30:06

Gulipa, i1urp, barakcha, Jelezo, Salaf, Tyty1990,
Темадан алыс билдирүүлөрдү купуя кат аркылуу жазышкыла! Эскертүү баарыңарга!

Tyty1990

2018-11-09 21:15:49

admin_superstan, хоп болади

nargiz94

2018-11-09 14:41:05

Ой журогум ай, Аллахым озун женилинен бере кор!!! Журогум зыркырап кетти, баласынын жанын кыйналганынан энеси андан 10 эсе кыйналып атат го.

D.Malikov

2018-11-09 21:54:47

Аллахым шыпаасын берсин,аминь.

kalima88

2018-11-10 01:06:09

Баатыр калып эле, билдирүү силердин талаш -тартышыңар мн толуп кетиптир.

Р.S. Саткын апа мага 1 ай мурда чалып жардам сураган, мен дагы күнүмдүк тирилик мн болуп , жардам берүү ишин бир аз артка сүрүп койдум. Азыркы учурда форумчулар акча топтоодобуз, каалоочулар кошулсаңыздар болот. Купуяга кайрылыңыздар.

Комментарий калтыруу үчүн өз ысымыңыз менен кириңиз же каттоодон өтүңүз.