Самара Каримова 1 күн жетектеген музыкалык окуу жайдын кызматкерлерине октябрь айынан бери эмгек акы бериле элек

Ош шаарындагы Ниязалы Борошев атындагы музыкалык окуу жайдын кызматкерлери октябрь айындагы эмгек акысын алыша элек. Бул тууралуу SUPER.KG порталына аталган окуу жайдын мугалими Гүлжамал Ташматова билдирди.

Анын айтымында, жетекчилик тарабынан "эмгек акылары жакын арада төлөнүп берилет" деген убада берилген.

"Октябрь айы үчүн эмгек акы ала элегибиз чындык. Буга окуу жайдын директору дайындалбай келгени себеп болгон. Бирок жакында эле жетекчиликтен "директордун милдетин аткаруучуга кызматкерлердин айлыгын төлөп берүүгө укук берилди. 1-2 күндө эмгек акыңар төлөнүп берилет" деп айтышты. Кызматкерлер муну түшүнүү менен кабыл алдык. Эч кандай нааразычылыгыбыз жок", - деди Гүлжамал Ташматова.

Ал эми музыкалык окуу жайдын атын атагысы келбеген студенти май айынан бери стипендия ала элек экенин билдирди.

"Бир тайпадан 2-3 студентке ай сайын 700 сомдон стипендия берилет. Бирок май айынан бери ала элекпиз. Стипендияны банк аркылуу алмай болгонбуз. Керектүү документтерди топтоп банкка тапшырганбыз. Бирок качан берилери белгисиз. Эмнеге кечиктирилип жатканы тууралуу түшүндүрүү иштерин эч ким жүргүзгөн жок", - деди окуу жайдын студенти.

Белгилей кетсек, Ниязалы Борошев атындагы музыкалык окуу жайга өткөн айдын аягында ырчы Самара Каримова директор болуп дайындалган. Ырчы окуу жайда 1 күн жетекчилик кызматты аркалагандан кийин Маданият министри Азамат Жамангулов Самара Каримова директорлук кызматка дайындоо тууралуу буйрукту жокко чыгарган.

Автор: Бекболот Сарыбаев

07:31 16-11-2018

Жазылуу

РУБРИКАДАГЫ СОҢКУ КАБАРЛАР

23:57 2025-07-14 | Түркүн дүйнө

Трамп Армения менен Азербайжандын ортосундагы талаш-тартыштар боюнча пикирин айтты 68 0

23:51 2025-07-14 | Коом жана турмуш

15-июлга карата аба ырайы 66 0

23:41 2025-07-14 | Түркүн дүйнө

Тбилисиде 5 кабаттуу турак үй урап түштү 148 0

23:25 2025-07-14 | Түркүн дүйнө

"Мыкты жигит". Трамп Путин тууралуу пикирин билдирди 281 0

22:50 2025-07-14 | Коом жана турмуш

Эртең Бишкектин айрым жерлеринде жарык өчөт. Тизме 273 0

22:28 2025-07-14 | Түркүн дүйнө

Трамп Путинге Украинага каршы ок атууну токтотууга 50 күн берди 679 0

Архив

Комментарийлер (16)

Mavlyuda

2018-11-15 18:37:05

Кыйратып жаңылык таап чыгыпсыңар. Көп болсо бир жума кечигиптир да айлык акы. А канчалаган маселелер айлап жылдап чечилбей кечигип келе жатат. Тообо

-4

Michelangelo

2018-11-15 18:49:55

Mavlyuda, ноябрдын жарымы болду го, мугалимдер ачка калышсынбы?! Кээде айлык күтүп айдын аягын күтүп каласын, карызга батып..

+12

tular

2018-11-15 19:44:05

Mavlyuda, Кээ бир кишилер ошол айлыкты кутуп жашашат да. Айлык албаса ачка калсынбы? Сен озун мугалим болуп иштеп корсон ошондо тушуносун!

g.roza

2018-11-16 12:30:01

Mavlyuda,Бул Самаш менен А[moderated]синин эле кезектеги оюну экени билинип турат.

bond02

2018-11-15 18:38:10

Самаранын колунан айлык алгынар келип жатабы, Самаранын фанаттары.

+14

Respect.

2018-11-15 18:40:20

Эми ушуну жөн эле Ниязалы Борошев атындагы музыкалык окуу жайдын десе болот го,
Сөзсүз эле самараны кошуп кетпей, акыркы күндөрү үтүктү сайсаң дагы самара дей турган болуп калды го

+22

Boha1

2018-11-15 22:24:39

Respect., мен да ошону жазайын деп аттым эле. С.Каримова дайындалып кайра алынганын да кошуп жаза бергенин. Кайсы мекеме экенин аталышын эле жазгыла да

Yago.limon

2018-11-15 19:02:21

Ииии иййй стипендия алган кундорум чиркин)))кечиксе бизда чый-пыйыбыз чыгып кетчу да))))

Т.б: С.Каримованардын эмне тиешеси бар ошондо?же "мен берем айлыктарын"-дептирби?!

Crokus

2018-11-15 19:08:19

Биз августун айлыгын эми алдыкго,электр тармагындагылар

adiaza

2018-11-16 08:09:47

Самараны кошпой эле музыкалык окуу жай десе болбойбу)))) 10 жыл бою жетектеп жургонсуп 1 кун жетектеген деп )))

Kroxa

2018-11-16 08:35:26

Самаранын мектеби десенер болмок анча болду..Дуйшондун мектеби дегендей...Ниязалы Борошев..атындагы окуу жайдын аты бар экен го...

tynara81

2018-11-16 10:38:53

Самара бир күн жетектеген окуу жайдын мугалиидери октябрь айынан бери айлык ала элек. Дальше эмне дегиңер келди... Самараны ошол орунга калтырганда эмдигиче берилмек дегениби... Октябрь айынан бери бериле элек дебей, 10-15 күнгө кечигип атат десе болбойбу...

boston___

2018-11-16 11:31:09

жакшы Самара иштеп турган кезде айлык оз убагында берилет болчу деп жазбапсынар

g.roza

2018-11-16 12:28:17

boston___,Ошол эле максатта козголгон маселе.Болбосо КРда мындан олуттуу которуло турган маселе куруп калды беле.

g.roza

2018-11-16 12:26:21

Соз торкуну Самашка кеткен го.Башчы боло албай калганынын очун алгысы келип окуу жайдын чукулап атат десе тан калбайм.Себеби Самаш учун экинчи ирет "чон жоготуу"болду.Сулайман тоодон калган очун да ушудан чыгарып алсыр эми

Jasa

2018-11-16 17:38:10

Комменттер жарат да

Комментарий калтыруу үчүн өз ысымыңыз менен кириңиз же каттоодон өтүңүз.