СУПЕРСТАН: "Кайненем жумуштан келип идиш жууп, тамак жасаса уялып кетем"

SUPER.KG порталынын "Суперстан" бөлүмүндө "Бала менен бардыгына кантип жетишсе болот?" деген тема талкууга алынган.

Автор: "Салам, айымдар! Бала багуу, үй иштери, тамак-аш, дегеле бүтпөгөн тирилик менен кандай жетишип жатасыңар? Бардыгы идеалдуу болуп жетишесиңерби, жолдошуңар тараптан жардам болобу? Удаа төрөгөндөрчү? Дегеле бир күн кандай өтөт, эмнеге жетишесиңер, эмне кылынбай калышы мүмкүн дегендей. Тажрыйбалуу апалар силерде кандай?" - деген суроосун калтырган.

Темадагы билдирүүлөрдөн:

- "Менин бир балам менен эле кечке ызылдап ишибиз бүтпөйт, жолдошум келгиче тамак даяр болсун, үй таза болсун деп далбастамай, ошого күйөөм да көнгөн. Кээде бир иш бүтпөй турса сүйлөнүп калат, баламды кичине карабай калсам өзүм да жаман боло берем. Ошол үчүн удаа төрөгөндөр кандай кылышат экен дегеним да".

- "Биз азыр балабыздын кыркын чыгаралы деп төркүндөбүз. Жакында кетебиз, барсак кантем, кантип үлгүрөм, баланы кантип карайм деп ойлонуп жатам...Чын эле кантип жетишсек болот? Эне боло электе баарына жетишсек, эми кантер экенбиз".

- "Менин балам ыйлаак. Бешикке бөлөсөм, терметип жанынан чыкпай отуруш керек. Эгер кичине ыйлаганда терметпей калсам токтобой ыйлайт. Бешиктен чечкенден кийин колума алып отурушум керек. Баары жумушка кетет, үйдө экөөбүз эле калабыз. Мурункудай иштерди жасаганга жетишпей калгам. Кээде кайненем жумуштан келип идиш жууп, тамак жасаса уялып калам. Көбүнчө кайненем иштен келишине баламды бешикке бөлөгөнгө даярдап турам. Жанында терметип туруңуз мен иштерди бүтүрө калайын деп кеч киргенде иш баштайм".

- "Азыр өзүбүзчө жашап, дагы бир балалуу болгонбуз. Эртеден кечке үйдө болсом да, кээде жетишпей калам. Жадакалса мурункудай күндө жалаяк жуумай деген жок. Азыр памперс эле колдонуп калбадыкпы. Баламды мектепке алып барып, алып келем. Кичинеси менен үй иштери эле, бирок мурункудай тың болбой, жалкоо болуп калгандаймын".

Талкууга кошулгуңуз келсе, бул жакка баш багыңыз.

Автор: Жаңылай Кекеева

20:19 19-11-2018

Жазылуу

РУБРИКАДАГЫ СОҢКУ КАБАРЛАР

08:05 2025-07-15 | Кылмыштар, кырсыктар

Ысык-Көлдө 7 жаштагы өспүрүмдү скутер менен сүзүп алган жаран кармалды 4 0

00:27 2025-07-15 | Коом жана турмуш

218 миң сомго чейин... Быйыл ЖОЖдордо окуу акысы канча? Тизме 5256 0

00:26 2025-07-15 | Түркүн дүйнө

Ташкентте машинасына тирүү балыктар менен "тюнинг" жасаган айдоочу айыпка жыгылды (видео) 1177 0

00:11 2025-07-15 | Түркүн дүйнө

"Реал Мадриддин" жылдызы карьерасын италиялык клубда улантат 544 0

23:57 2025-07-14 | Түркүн дүйнө

Трамп Армения менен Азербайжандын ортосундагы талаш-тартыштар боюнча пикирин айтты 933 0

23:51 2025-07-14 | Коом жана турмуш

15-июлга карата аба ырайы 372 0

Архив

Комментарийлер (4)

Hadyja

2018-11-19 21:07:48

Женем,4баласы менен,баарына жетишет,садик,мектеп,уй жыйнамай,кечки тамак жасамай.Байкем кечинде уйго кирип,келгенде баары таза,даяр болот.
Женем аябай тын,жанын кечке тындырбай,ар бир жумушун оз очереди мн кылса,ар бир аялзаты жетишчудой.
Анан дагы базарга барып келгенге да жетишет

Snejana

2018-11-20 00:32:35

Hadyja,жененер интернетке кирбейт го. Чынын айткыла.

Hadyja

2018-11-20 17:22:00

Snejana,интернетке кирет,кичинекей инимди уктатып атканда,анча-мынча 5-10минута эс-алганда

Snejana

2018-11-20 00:31:40

Телефон кармап, интернетке азыраак кирсенер эле жетишесинер. Ушинтип тема ачып, суроо калтырып, анан ар бир жоопту окуп, кайра жооп берип отура берсенер жетишмек беленер.

Комментарий калтыруу үчүн өз ысымыңыз менен кириңиз же каттоодон өтүңүз.