Алмамбет Шыкмаматов Кыргыз мамлекетинин мурдагы жарандарына мекенинен жер жана кыймылсыз мүлк алуусуна уруксат берүүнү сунуштады

Бүгүн,16-ноябрда “Ата Мекен” фракциясынын жыйыны болуп өттү.

Жыйында аталган фракциянын лидери Алмамбет Шыкмаматов Кыргыз мамлекетинин мурдагы жарандарына өлкөдөн жер жана башка кыймылсыз мүлк алуусуна уруксат берүүнү сунуштады.

“Ата Мекен” фракциясы мыйзам долбоорун иштеп чыгып, чет өлкөдө жашаган жана ал жактын жарандыгын алган Кыргыз өлкөсүнүн мурдагы жарандарына мекенинен жер жана башка кыймылсыз мүлк алуусуна уруксат берүүнү сунуштап жатабыз. Бул көйгөй көптөн бери көтөрүлүп келет жана сыртта жүргөн мекендештер тарабынан да байма-бай айтылууда. Себеби алар башка өлкөнүн жарандыгын алгандыктан, иштеп тапкан акчасына Кыргыз мамлекетинен мүлк алууда көп көйгөйгө дуушар болуп келет. Эгер бул мыйзам ишке ашса, биринчиден, боордошторубуздун укугу корголот, экинчиден, өлкө экономикасына да салым болот”, - дейт Шыкмаматов.

Мамлекеттик миграция кызматынын статс-катчысы Нурлан Шерипов мындай сунуштун маанилүү маселе экенин белгилеп, бул максатта өкмөт тарабынан жумушчу топ түзүлгөнүн маалымдады. Ошондой эле ал расмий маалымат боюнча, Кыргыз мамлекетинин 800 миңден ашуун жараны эмгек миграциясында экенин билдирди.

Аталган мыйзам долбоору жакынкы аралыкта коомдук талкууга чыгарыла турганы фракция жыйынында белгилүү болду.

Автор: Наргиза Өмүрбек кызы

19:10 16-11-2018

Жазылуу

РУБРИКАДАГЫ СОҢКУ КАБАРЛАР

23:57 2025-07-14 | Түркүн дүйнө

Трамп Армения менен Азербайжандын ортосундагы талаш-тартыштар боюнча пикирин айтты 68 0

23:51 2025-07-14 | Коом жана турмуш

15-июлга карата аба ырайы 66 0

23:41 2025-07-14 | Түркүн дүйнө

Тбилисиде 5 кабаттуу турак үй урап түштү 148 0

23:25 2025-07-14 | Түркүн дүйнө

"Мыкты жигит". Трамп Путин тууралуу пикирин билдирди 281 0

22:50 2025-07-14 | Коом жана турмуш

Эртең Бишкектин айрым жерлеринде жарык өчөт. Тизме 273 0

22:28 2025-07-14 | Түркүн дүйнө

Трамп Путинге Украинага каршы ок атууну токтотууга 50 күн берди 679 0

Архив

Комментарийлер (1)

Baicho_0707

2018-11-17 08:47:39

Мекендештерге жардам берген жакшы бирок олконун ичинде жашап жылдап жер ала албай жургондорду кантебиз! Мисалы: Балыкчыда мен беш жылдан бери жерге кезекте турабыз 6 балам бар,квартиралап журом,жер сурап барсан ар кайсы шылтоону айтып тышка чыгарып койушат,бирок тааныштар аркылуу жер алып,сатып жургондорду коруп эле атабыз. Депутаттар ушуга эмнеге конул бурушпайт.!?

-1

Комментарий калтыруу үчүн өз ысымыңыз менен кириңиз же каттоодон өтүңүз.