Миграция кызматы: "1991-жылдан бери Кыргыз өлкөсүнүн 500 миңден ашык жараны Орусиянын жарандыгын алган"

"1991-жылдан бери Кыргыз өлкөсүнүн 500 миңден ашык жараны Орусиянын жарандыгын алган". Мындай маалыматты Миграция кызматынын статс-катчысы парламент жыйынында билдирди.

Жогорку Кеңеште миграция жөнүндө мыйзам талкууланып жатканда депутат Махабат Мавлянова Кыргыз жарандыгынан чыккандардын санын сурады.

Статс-катчынын маалыматына караганда, 1991-жылдан бери Кыргыз жарандыгын тапшырып, Орусиянын жарандыгын алгандардын саны 500 миңден ашат.

Жыйында ички иштер министринин орун басары Курсан Асанов учурда 360 чет өлкөлүк жаран Кыргыз мамлекетинде камакта отурганын айтты. "Алар көбүнчө тоноо, алдап кетүү боюнча камакка алынган", - деди Асанов.

Автор: Бектур Токтоноев