Ошто 33 жаштагы милиция кызматкери кызмат учурунда жол кырсыгына кабылып, каза болду. Бул тууралуу Ош ОИИБинин басма сөз кызматы билдирди.
Маалыматка ылайык, жол кырсыгы 3-декабрга караган түнү болгон.
Каза болгон кызматкер Максатбек Рахманжан уулу Ош облустук ички иштер башкармалыгынын тергөө кызматынын өзгөчө маанилүү иштер боюнча улук тергөөчүсү болуп кызмат өтөп жаткан. Ал 1985-жылы 18-июлда Ош облусунун Ноокат районундагы Кеңеш айылында төрөлгөн.
Маркумдун артында 3 уул, 1 кызы калды.