Айыл тургуну: "Чаткалда митингге чыккандардын бир эле камактагы адамдарды бошотуу талабы эмес, жумуш ордуларына байланышкан маселе боюнча да талабы бар"

"Жалал-Абад облусундагы Чаткал районуна караштуу Терек-Сай айылынын тургундары кечээтен бери бир гана камакка алынган 17 жергиликтүү тургунду бошотуу талабында эмес, жумуш ордуларына байланышкан маселе боюнча дагы нааразычылык билдирип чыгышты". Мындай маалыматты бүгүн, 3-декабрда жергиликтүү тургун SUPER.KG порталына кабарлады. Анын айтымында, учурда кендин айланасында 400дөн ашуун милиция кызматкери тартипти көзөмөлдөп турушат.

"Чаткал районундагы Терек-Сай айыл өкмөтүнүн алдына 2 күндөн бери жергиликтүү калк чыгып митинг уюштурууда. Элдин талабы бир гана буга чейин кармалган 17 адамды чыгарып алуу эмес, жумуш ордулары менен элди камсыз кылуу жана аны жакшыртуу болуп жатат. Кенде иштегендердин жумуш ордун кескин кыскартып салышкан. Кен иштетүүчү фирма биздин жерде ишмердүүлүгүн жүргүзүп жаткан соң жергиликтүү калкты жумуш ордулары менен камсыз кылуусу керек. Антпесе бизге зыянынан башка пайдасы жок. Терек-Сай айылында кенден башка иштечү жумуш деле жок. Айдоо жерлери тартыш, жокко эсе, мал-жан кармоого да ыңгайсыз", - дейт айыл тургуну.

Жергиликтүү тургундун айтымында, жумуш ордулары бүгүнкү күнгө чейин 20 адамга чейин кыскарып жана иштен чыгарылгандардын саны дагы да көбөйүшү мүмкүн. Ал эми адамдар жасаган жумуштун орду техника менен алмаштырылууда. Калктын митингге чыгышынын дагы бир себеби цианид иштетүүчү заводдун айылдан алыс эмес, 200-300 гана метр аралыкта курулуп жатышы.

"Маалыматтар боюнча 14 адам камалды деп жатышат, бирок бүгүнкү күндөгү маалыматка таянсак, кармалгандардын саны 17. Алардын жаш курагы 20-30 жаштагылар. Арасында аялдар жок", - деген маалыматтары менен бөлүштү тургун.

Окуянын чоо-жайы:

Жалал-Абад облусуна караштуу Чаткал районунун Терек-Сай айылында 5-ноябрда кенге байланыштуу нааразычылык жаралып, кенди кайтарган атайын даярдыктагы отрядынын 3 кызматкери жабыркаган. Анда жергиликтүү тургундардын бири кайтарылган ишкананын аймагына кирип кеткен. Ал ишкананын аймагынан чыгарылып, бирок арадан көп убакыт өтпөй ал 10дон ашуун айылдашын ээрчитип келип уруш чыгарышкан.

ИИМдин билдирген маалыматына таянсак, жергиликтүү тургундар 3 кызматкерди таш бараңга алып, алар ар түрдүү жаракаттарды алышкан. Бул факт боюнча Кылмыш-жаза кодексинин 234-берене (бейбаштык) жана 341-берене (бийлик өкүлүнө карата зомбулук көрсөтүү) менен кылмыш иштери козголгон. Кечээ, 2-декабрда окуяга катыштыгы бар Терек-Сай айылынын 14 тургуну суракка алынып, Жазык-процесстик кодексинин 94-беренесинин негизинде 48 саатка камакка алынган.

Кен иштеткен түрк фирмасынын иштешине каршы митинг кечээ, 2-декабрда кайра башталган.

Чаткалдагы Терек-Сай айылында кенге байланыштуу митинг 2.12.18

Автор: Гүлжан Асанкожоева
Фото: Окурмандыкы

21:40 03-12-2018

Жазылуу

РУБРИКАДАГЫ СОҢКУ КАБАРЛАР

17:50 2025-06-28 | Түркүн дүйнө

The Times: Израил Иранга чабуул жасоого даярдыкты 2010-жылы баштаган 1576 0

17:28 2025-06-28 | Түркүн дүйнө

Путин Украина менен Стамбулда үчүнчү ирет сүйлөшүү өткөрүүгө даяр экенин билдирди 1215 0

16:25 2025-06-28 | Түркүн дүйнө

АКШда асмандан сырдуу оттуу шар байкалды (видео) 2177 0

16:07 2025-06-28 | Түркүн дүйнө

Пакистанда теракт уюштурулуп, 16 адам каза тапты 951 0

14:56 2025-06-28 | Түркүн дүйнө

Ливанда Израилдин аба соккусунан 11 адам жаракат алды 1346 0

14:36 2025-06-28 | Коом жана турмуш

Такыр-Төр көлүнөн коркунуч жаралган аймактарда "Өзгөчө кырдаал" режими киргизилди 1270 0

Архив

Комментарийлер (10)

futboler

2018-12-03 22:12:37

Кайран элим качан бактың ачылат, элин жерин саттырбайбыз дегендер камалып, бийликтегилерди күчүгүнө айланып кыйкырып чыккандар Баатыр болуп жатса, билбейм, билбейм, билбейм, сөз жок

Matahara1980

2018-12-03 23:25:32

Birin olup birin kalda

-3

Mamiev

2018-12-04 00:24:05

Matahara1980, ХХХХХ Өз элине ошондой сөз жазасынбы

Matahara1980

2018-12-04 03:40:14

Mamiev,ХХХХХ 300 адам чыкса эле эл атынан суйлоп калат экенсинер, булардын балдарын барып безразрешение кайтарылган обьектке кирип кузотчулорду сабап тополон кыл дептирби, эми чыгаргыла деп догурунушуп тобо. Сенда ошолордун арасында эмессинби жол тоскон ХХХХ, кыш келди эми бекерчиликтен жол тосуп жата бергиле кышы бою

-1

CEO1

2018-12-04 04:17:25

Matahara1980, ХХХХХ Качан сенден акылдуу кеп чыгат ыя?!! Эмне, бул алтын-кумуш кендери Соке экооно атанардан калган мурас беле?!!

Конституцияны ачып кара! Бийликтин чыныгы ээси ЭЛ деп турат! Качанга чейин бийлик элден сурабай чечиш керек?! Ансыз да бул кен сатылганда элдин кабары болгон эмес!!!

Эн башында кендин сатылышы мыйзамсыз болгон. Калган ишмеррдуулушун текшерсек ошончо былыгы чыгат. Буга эмне дейсин?!

-1

Matahara1980

2018-12-04 05:00:00

CEO1,анан эмне кыласынар, кыйратпайсынарбы анда суперде эле жаман ХХХ уро бербей, ошо наразы болуп жамандап шыбап аткан президенти ким шайлады, озунор да, эл шайлады да, соке деп тим эле бешигин терметкенсип суйлойсунда ХХХХ, пейилине жараша ханы дейт, пейилинер бузулган да

CEO1

2018-12-04 04:20:40

Matahara1980, Ансыз да кытайлар алтын-кумушту болуп албай эле руда бойдон Кытайга жонотуп жатат, бул жакта заводу жок имиш боло турган. 10 жыл ичинде канча тонна алтын-кумуш чыгып кеткенинен кабарын барбы?!!

Жол тосту деп жаман коросун. Туура кылышат деп уйлорундо отурушсунбу?!!

Айылга жакын жерге цианид иштетуучу завод куруп жатышыптыр. Эгер сен ошол жерде жашап калсан, корот элем нааразы болбогонунду!!!

RusMos76

2018-12-03 23:36:50

Оозунан жакшы соз келбесе, колунды тыйып отур!!!

RusMos76

2018-12-03 23:37:59

Орун талашкан акыйкатчынын бироосу да корунбойт го!

admin_superstan

2018-12-04 10:58:36

Mamiev, Matahara1980, CEO1, адамдын кадыр-баркына шек келтирген билдирүү жазууга тыюу салынган. Эскертүү!

Комментарий калтыруу үчүн өз ысымыңыз менен кириңиз же каттоодон өтүңүз.