"Кыргызстан" фракциясынын жыйыны өтпөй калды. Фракция лидери себебин түшүндүрдү

Бүгүн, 7-декабрда "Кыргызстан" фракциясынын жыйыны өтмөк. Анда билим берүү тармагын окуу жабдыктары менен камсыздандыруу тууралуу маселе талкууланмак.

Фракция лидери Алмазбек Баатырбеков SUPER.KG порталына бүгүн жыйын өтпөй турганын билдирди.

"Түркиянын парламентинин спикери жана депутаттары Кыргыз мамлекетине келгенине байланыштуу жыйын башка күнгө жылдырылды. Учурда Түркиянын депутаттары менен жолугуп жатабыз", - дейт Баатырбеков.

Бирок жыйын өтө турганы Жогорку Кеңештин сайтынан алынган эмес.

Түркиянын спикери Бинали Йылдырым кечээ, 6-декабрда Кыргыз өлкөсүнө келген.

Автор: Жылдыз Джускембаева