ЖЫЛНААМА, 21-ЯНВАРЬ: Жогорку Кеңештин мурдагы депутаты Каныбек Осмоналиев 63 жашка толду

Жогорку Кеңештин мурдагы депутаты Каныбек Осмоналиев 1956-жылы 21-январда Ош облусунун Алай районундагы Гүлчө айылында туулган.

Ал 1977-жылы Ош мамлекеттик педагогикалык институтунун физика мугалими адистиги боюнча артыкчылык менен бүтүргөн.

1983-1986-жылдары Тарту (Эстония) мамлекеттик университетинин аспирантурасында күндүзгү бөлүмдө окуган.

Эмгек жолун 1977-жылы Ош облусунун Совет районуна караштуу Свердлов орто мектебинин физика мугалими болуп баштаган.

- 1979-1992-жылдары ОшМУнун физика-математика факультетинин лаборанты, лаборатория башчысы, окутуучу, доценти;

- 1992-1994-жылдары Кыргыз мамлекеттик улуттук университетинин физика-техникалык факультетинин жарым өткөргүчтөр жана диэлектриктер физикасы кафедрасынын доценти;

- 1994-2002-жылдары “Дастан” технологиялык университетин түзгөн жана ректору;

- 1994-1999-жылдары Бишкек шаардык кеңешине Биринчи Май району боюнча атаандаштык негизде депутаты;

- 2002-2005-жылдары өкмөткө караштуу Илим жана интеллектуалдык менчик боюнча мамлекеттик агенттиктин директорунун илим боюнча орун басары;

- 2005-2007-жылдары билим берүү, илим жана жаштар саясаты министринин орун басары;

- 2007-2008-жылдары билим берүү жана илим министри;

- 2008-жылы өкмөткө караштуу Дин иштери боюнча мамлекеттик агенттиктин директору;

- 2010-2015-жылдары Жогорку Кеңештин депутаты.

21-январга карата жылнаама.

Автор: Жылдыз Джускембаева