Депутат унаанын сыртындагы жарнама же жазуу үчүн айып пул салуу туура эмес экенин айтты

Депутат Дастан Бекешев унаанын сыртындагы жазуу үчүн айып пул салуу туура эмес экенин айтты. Мындай пикирин ал бүгүн, 5-февралда Жогорку Кеңештин тармактык комитетинин жыйынында билдирди.

"2018-жылы Караколдун тургуну унаасында "кумшекер сатылат" деген жазуу үчүн айып пул салганын айтып кайрылган. Болбогон жазуу үчүн айып пул салуу туура эмес. Кандай учурда айып пул салынат? Аны төлөбөө үчүн айдоочунун жанында кандай документтери болушу керек? Түшүнүксүз нерселер көп", - деди Бекешев.

Буга ИИМдин Жол кыймылынын коопсуздугун көзөмөлдөө башкармалыгынын жетекчисинин орун басары Ыманалы Саркулов транспорттук каражатка атайылап кандайдыр бир жазууну же жарнаманы чаптаткан айдоочу жоопкерчиликке тартыларын билдирди.

"Транспорттук каражатка жарнама атайын чапталган болсо айдоочу жооптуу болот. Эл аралык нормага ылайык, эгер айдоочу кандайдыр бир жазуусу бар же унаасына жарнама жайгаштырылып өлкөдөн чыга турган болсо кыйынчылыктарга туш болот. Бүгүнкү күндө Индия менен Пакистанда гана унааларга жарнама жайгаштырууда эч кандай чектөө жок. Ал эми биздин өлкөдөгү киргизилген чектөөлөр унаа жарнаманын объектисине айланбоосун көздөйт. Унаанын алдыңкы жана арткы бөлүгүндө кандайдыр бир жазуу болууга болбойт", - деди ал.

Учурда Кыргыз Республикасынын Жогорку Кеңешинин Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин жыйынында "Кыргыз Республикасындагы жол кыймылы жөнүндө", "Кыргыз Республикасынын Эреже бузуулар жөнүндө кодексине өзгөртүүлөрдү киргизүү тууралуу" мыйзам долбоору экинчи окууда каралып жатат.

Автор: Мальвина Уметбекова

16:30 05-02-2019

Жазылуу

РУБРИКАДАГЫ СОҢКУ КАБАРЛАР

21:48 2025-07-17 | Спорт

Эсеп 1:1. Арсен Шаршенбеков эсеп санын теңеди (видео) 167 0

21:24 2025-07-17 | Коом жана турмуш

№55 автобус каттамынын жүрүү схемасы өзгөртүлдү 103 0

20:58 2025-07-17 | Түркүн дүйнө

АКШ ачкадан жапа чеккен балдарга арналган 500 тонна азыкты жок кылат 425 0

20:34 2025-07-17 | Спорт

Эсеп 1:0. Сирия курамасы Кыргызстандын дарбазасына гол киргизип, эсеп санын ачты (фото) 453 0

20:18 2025-07-17 | Спорт

U-23: Бишкекте Кыргызстан менен Сирия курамаларынын беттеши башталды (фото, видео) 244 0

19:52 2025-07-17 | Коом жана турмуш

Айбек Жунушалиев Новопавловка айылынын тургундары менен жолугушту 495 0

Архив

Комментарийлер (5)

BarsBaatyr

2019-02-05 18:12:29

Жадаттыңар силер. Унааларга жарнак чаптоого уруксат бериш керек.

BekAmir

2019-02-05 18:15:58

Унаасы менчик чаптаса чапай берсин. Сенин уйунун терезесине чаптагансып айып пул салабыз дейт

CHOTON_86

2019-02-05 20:45:06

ХХХХХ элди жон койбу ХХХХ. Ал озунун машынасы кааласа озунун суротун чаптап алат. Кааласа миксир менен бетон куйдуруп алат ичине,силердин эмне ишинер бар?
Арам акча менен бала чаканы бакканынар туура келбейтго.

bond02

2019-02-05 22:15:32

Элге тийбегиле, эл эптеп тирилик кылып жатышат.

bessmertiy

2019-02-06 03:17:16

Нагизи болбойт. Жарнаманы карайм деп башка айдоочулар алагды болуп кырсыка кабылышы мүмкүн.

-2

Комментарий калтыруу үчүн өз ысымыңыз менен кириңиз же каттоодон өтүңүз.