Депутат Мамлекеттик ипотекалык компаниянын койгон талаптары жарандар үчүн оор болуп жатканын айтты

Депутат Жыргалбек Турускулов Мамлекеттик ипотекалык компаниянын койгон талаптары жарандар үчүн оор болуп жатканын айтты. Бул тууралуу ал бүгүн, 8-февралда “Республика-Ата Журт” фракциясынын жыйынында билдирди.

“Жарандар арзан турак жай менен камсыз болушу керек. Бул өкмөттүн негизги милдеттеринин бири болуп саналат. Кыргыз өкмөтү 4 жыл мурун арзан турак жай менен камсыз кылуу программасын кабыл алып, анын негизинде Мамлекеттик ипотекалык компаниясын түзүшкөн. Бирок компаниянын койгон талаптары жарандарга оор келип жатат. Биринчи төлөмү 10-30 пайызга чейин, пайыздык өлчөмү дагы жогору болууда. Жөнөкөй 3 жыл иштеген мугалимдин айлыгы 6 500 сом. Насыяны 15-30 жыл иштеген мугалимдер ала алышпайт”, - дейт ал.

Учурда жыйында аталган компаниянын ишмердүүлүгү тууралуу маалымат угулууда.

Автор: Жылдыз Джускембаева
Фото: Жылдыз Джускембаева