Чемпиондор Лигасы: ПСЖ конокто "Манчестер Юнайтед" командасын жеңип алды

13-февралга караган түнү Европадагы эң беделдүү мелдеш - Чемпиондор Лигасынын плей-офф баскычы старт алды. Анда "Рома" - "Порту" менен "Манчестер Юнайтед" - ПСЖ беттештери орун алды.

"Манчестер Юнайтед" - ПСЖ

Англиянын Манчестер шаарындагы "Олд Траффорд" стадионунда жергиликтүү клуб "Манчестер Юнайтед" франциялык ПСЖны кабыл алды. Беттеш 0:2 эсебинде ПСЖнын жеңиши менен аяктады. Эсеп саны 53-мүнөттө ачылды. Анда ПСЖ бурчтан чыгаруу мүмкүнчүлүгүн алып, Ди Мариянын чыгарып берүүсүнөн кийин Преснель Кимпембе эсепти 0:1 кылды. 60-мүнөттө ПСЖ контр-чабуулга чыгып, Ди Мария топту айып аянтчага көтөрүп, аны Килиан Мбаппе дарбазага киргизди. Муну менен ПСЖ командасы 0:2 эсеби менен жеңишке жетип, жооптук беттеште артыкчылыкка ээ болду. Командалардын жооптук беттеши 7-мартка караган түнү Францияда орун алат. Анда "Манчестер Юнайтед" клубунун жарым коргоочусу Поль Погба бул беттеште кызыл кагаз менен белгиленген үчүн ойнобойт.

"Рома" - "Порту"

Италиянын Рим шаарындагы "Олимпико" стадионунда "Рома" менен "Порту" футболдук клубдарынын беттеши орун алды. Оюн 2:1 эсебинде "Романын" жеңиши менен аяктады. 70-мүнөттө италиялык клубдун оюнчусу Николо Дзаньоло эсеп санын ачса, 76-мүнөттө Дзаньоло кайрадан айырмаланып, эсепти 2:0гө айлантты. Буга "Порту" 79-мүнөттө Адриан Лопестин голу менен берип, эсепти 2:1ге айлантышты.

Беттеш 2:1 эсеби менен аяктап, кийинки беттешти командалар 7-мартка караган түнү Порту шаарындагы "Драгау" стадионунда өткөрүшөт.

Автор: Нурсултан Нурболот уулу

09:46 13-02-2019

Жазылуу

РУБРИКАДАГЫ СОҢКУ КАБАРЛАР

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 100 0

18:22 2025-05-14 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек (видео) 235 0

18:20 2025-05-14 | Саясат

Депутат Токтошев жоокерлердин кыйноого алынышы боюнча маселе көтөрдү (видео) 194 0

18:01 2025-05-14 | Маданият, шоу-бизнес

"Аны менден кызганбагыла". Бек Борбиев бирге дуэт аткарган Назима Радбекова тууралуу пост жазды 1500 0

17:42 2025-05-14 | Саясат

"Чегирткелерге чара көрүү керек". Депутат күзүндө буудай, арпа кымбатташы мүмкүн экенин айтты 365 0

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 764 0

Архив

Комментарийлер (3)

nemo2016

2019-02-13 11:23:36

ПСЖдан кутком неймарсыз деле жакшы жыйынтык чыгарышты

Modric10

2019-02-13 11:29:41

Молодцы Париж.ийгилик,алга

-2

Dembele84

2019-02-13 15:31:06

Ман Юнайтеддин акыркы оюндарда жакшы оюн коргозуп женип келатканынан копчулугу ойлогон болчу,ПСЖны талкалайт деп,еще Неймар Кавани травмада жатса Парижге шанс жок деп

-1

Комментарий калтыруу үчүн өз ысымыңыз менен кириңиз же каттоодон өтүңүз.