Юрмалада "Жаңы толкун-2013" сынагы башталды

23-июль күнү кечинде Латвиянын Юрмала шаарында “Жаңы толкун-2013” эл аралык фестивалынын ачылышы болду. Аба ырайы бузулуп жамгыр жааганына карабай, пландар өзгөрүлгөн жок, бардыгы өз нугунда уланды. 12-ирет өткөрүлүп жаткан бул сынакка Кыргызстандын атынан ырчы Айбек Бакытбеков катышууда. Сынактын алгачкы күнүндө катышуучулар дүйнөлүк хит ырларды, 2-күнүндө өз өлкөсүндөгү хит ырларды, 3-күнүндө эч жерде ырдала элек жаңы чыгармаларын аткарышат. Сынактын жеңүүчүлөрү “Хрусталь толкун” деп аталган 3 негизги сыйлык жана акчалай белектер менен сыйланат. Мындан сырткары көрүүчүлөрдүн купулуна толгон ырчы тандалып, “Бриллиант толкун” наамы да ыйгарылат.

Автор: Ширин Турдакунова