Таласта айылдык кеңештин депутатынын иске ууланган үй-бүлөсү. Ооруканада жаткан кыздын оозунан кан чыгууда, ал эми электр жарыгын өчүрүп кеткендер жумуштан бошотулду

Таласта иске уланган аял жана анын кызынын сөөгү жерге берилди. Ал эми ооруканада жаткан кичинекей кызынын оозунан кан чыгып, дале эсине келе элек. Кызды дарылоо үчүн Бишкектен врачтар чакыртылды.

Маалыматты 22-февралда SUPER.KG'ге облус губернатору Марат Мураталиев кабарлады.

Ал эми аталган үй-бүлөнүн 2483 сом карызы үчүн электр жарыгын өчүрүп кеткен монтёр менен инспектор жумуштан бошотулду.

"Биз үчүн өтө кайгылуу окуя болду. Бүгүн каза болгон аял менен кызынын сөөгүн жерге бердик. Бирок ооруканада жаткан 4 жаштагы кызынын абалы өзгөрүүсүз калууда. Бишкектен дарыгерлерди чакырттык, жолдо келе жатышат. Бул жактагы дарыгерлер "үй-бүлө мүчөлөрү көмүрдөн чыккан иске ууланган болсо, буга чейин эсине келмек. Химиялык заттарды бөлүп чыгаруучу полиэтилен баштыктарын күйгүзүп, ошондон ууланган болушу мүмкүн" деп айтышууда. Өзүм да барып кабар алдым.

Үй ээсине эми колдон келген жардамыбызды беребиз. "Түндүк электр" ишканасына да кайрылып жардам бергиле деп айттым. Ишкананын директору эртең өзү да облуска келе турган болду. Бүгүн үй-бүлөнүн электр жарыгын өчүрүп кеткен монтёр менен инспектор жумуштан бошотулду. Эми алар деле "өз милдетибизди аткардык, мындай болуп кетерин билсек өчүрмөк эмеспиз" деп жатышат. Ошол жердегилер "балдар ата-энеси үйдө жоктугун айтып, өчүрбөй тургула" дегенине карабай өчүрүп коюшту" дешти. Чынында ата-энеси келгенче өчүрбөй турса мынчалыкка жетмек эмес", - деди Мураталиев.

Облус башчысынын айтымында, аталган үй-бүлөнүн кожоюну - айылдык кеңештин депутаты. Алардын жашоо-шарты жакшы болгон. Мындан бир-эки ай мурун улуу баласынын кулагы ооруп, окуя болгон учурда Бишкектеги ооруканалардын биринде дарылатып жүргөн.

Окуя 20-февралга караган түнү болгон. Андан бир күн мурун үй-бүлөнүн электр энергияга болгон карызы төлөнбөй, адистер электр жарыгын өчүрүп кетишкен. Буга байланыштуу алар үйдүн ичинде от жаккан меш болбогондуктан темир челекке от жагып, андан чыккан иске ууланып калышкан. Жыйынтыгында үй ичинде уктап жаткан үй кожойкеси менен бир кызы каза болуп, 12 жаштагы уулу менен 4 жаштагы кызы оорукананын жандандыруу бөлүмүнө жеткирилген.

Таласта иске ууланган үй-бүлөнүн электр жарыгын өчүрүп кеткен электрикти эл тилдеди

Автор: Жамалидин Парманкулов

20:21 22-02-2019

Жазылуу

РУБРИКАДАГЫ СОҢКУ КАБАРЛАР

23:44 2025-06-27 | Коом жана турмуш

28-июнга карата аба ырайы 355 0

23:12 2025-06-27 | Түркүн дүйнө

Орусияда балдар аянтчасында кой сойгон мигрант өлкөдөн чыгарылды 1577 0

22:23 2025-06-27 | Түркүн дүйнө

Рамзан Кадыровдун 17 жаштагы уулу жакында үйлөнөт 1161 0

21:53 2025-06-27 | Саясат

ЕАЭБ жыйынында бир нече документтерге кол коюлуп, кабыл алынды 486 0

21:38 2025-06-27 | Коом жана турмуш

Такыр-Төр көлү жарылганына байланыштуу 950 адам эвакуацияланды 1399 0

21:17 2025-06-27 | Саясат

ЕАЭБ аймагынан кайра иштетилүүчү кагаз жана картонду алып чыгууга убактылуу тыюу салынды 370 0

Архив

Комментарийлер (23)

Aikaaaa

2019-02-22 20:31:02

Мен да бир байкуштар экен деп ойлогом. От жаккан печкасы жок болсо. Баарына расчёт ала жүрүш керек да, свет өчүп калса не болот деп, кыркып кетпеген күнү деле, авария болуп

-13

Kesh.26

2019-02-23 11:33:10

Aikaaaa, эн туура!

-3

Aikaaaa

2019-02-23 12:52:36

Kesh.26, айылдык кеңешке депутат болсо, өзүнүн шалаакылыгын билбей, крайныйды табат да күнөөлүү кылып. Андай кыйын экен төлөбөгөндөрдүкүн кырксын деп закон киргизгендерди соттотпойбу. Электриктер деле өз милдетин аткарышты, аларда күнөө жок

Kuttubek8483

2019-02-22 20:45:34

Электр менен инспектор оз кызматын аткарды. Бул жерде электр тармагындагы системасы озгортуш керек. Карызын убагында толобосон пеня кошулат. Светти кыркунун бир максаты кайра улаганына 220 сом кошумча толош керек.

nelli

2019-02-22 21:54:11

Kuttubek8483,инспектор шалаакылык кылган. Кайсы акт, ким менен тузулгон акттын негизинде очурду? Аларга эптеп 220 сом кайра улоо учун толонсо болду. Миллион сом болсо да биринчи эскертуу берилет, ошондо да толобосо уй ээси менен акт тузулуп, акттын негизинде очурулот!

+13

Dalil

2019-02-23 00:23:24

nelli, эскертүү ошол берилген счеттон болот баланча числого чейин төлөбөсөңүз эскертүүсү көчүрүлөт деп. Үй ээсинин да кенебестиги өзүнүн аялы менен кызына тийди. Сиз айткан акт өчүрүлөрдөн алдын түзүлүп үй ээси кол койбосо да жарамдуу болуп эсептелет. Баарыбыз иштеткен электр энергияны убагында төгүп турсак ушуга окшогон жаман окуя болбойт. Жана милдетин аткарган экөө ишсиз калбайт.

-4

Shekeev969798

2019-02-23 02:35:41

Kuttubek8483,Биздикин очуруп кетет коп эле
кайра ошол карызды гана толоп озум улап алам
светчи улап алсаг улап ала бер деген

BekAmir

2019-02-22 20:57:01

Уйдо ата-энеси жок болсо эмне очурот?. Милдети деп кутулбасын, адамгерчилик болуш керек адамда

+19

Kesh.26

2019-02-23 11:38:50

BekAmir, адамгерчилик боло турган жерде болуш керек. куру эле кокурокту чапкылай бербегиле. мыйзам баарына бирдей. келесообу чон эле аял уйго бочкага от жагып, башка барып жатпайбы балдары менен!!!

-2

Bak.taalai

2019-02-23 12:31:30

Kesh.26,олгон аялдын келесоосуна жетпей жаз, оз башына келсе сени ушинтип табаласа кормокмун келесоо дегенинди...

Bak.taalai

2019-02-23 23:25:01

Kesh.26,Мыйзам бирдей болсо 100мин 200мин карызы барларды ондуруп албайбы кыркпайбы ошолордукун аларга кыркмак тугул дарбазасынан ары кире алышпайт.

Aytur

2019-02-22 22:16:56

Шаарда акылдуу эсептегичтер акт пакты жок эле автаматтык турдо очот. Ал акчаны жон эле эскертуу жазылыат эч кандай акт жок эле

Gulnyr19

2019-02-22 22:27:28

Макул өчүрүптүр дейли аларда да чоң күнөө бар. Үйдүн ээси чоң эле аял экенго челеке неге от жагат деймда. Туугандарыныкына жатып турса болмок экен

-5

Nur777

2019-02-22 23:27:41

Gulnyr19,ал келин ошол челекке биринчи эшикке от жагып тамак жасаптыр,ал челек устуно казан асылчу,эшикке расчитанный печка экен,анан тамак бышканда чогу менен алып кириптир,тамак ичкенден кийин жатып алышканда,тиги чоктон билинбей ис чыга берген да,чон орттордун иси аябай жыттанып думуктурат,а бул чоктон чыккан байкалбай топтолгон да,сразу топтолбосо адам байкабай уктай берет,дем жетишпей сознаниесин жоготот,андан аркысы белгилуу..

Baktikan

2019-02-23 03:20:04

Gulnyr19,kudaiga toobo kildim degile,chonbu kichinebi,adam emne bolup ketishin bir gana alla bilet,cheleke ot jakkanchalik bolgondur,

gulanda92

2019-02-23 09:16:03

Куйоосу каякта болгон ошондо?

-3

Bars88

2019-02-23 09:28:46

gulanda92,Жазылып туратго каякта экени.Азыр кобунун уйундо печка жок щаарда квартирада жашагандар кобу обогревател менен отурушат.Анан кышында очурушот светти.Усту жактагы кыркыла деген чондорун алыш керек иштен.Монтер менен контроллер приказды аткарышатда

Aikaaaa

2019-02-23 10:08:26

Булар шаарда турушкан семьялар бекен? Былтыр Бишкекте ТЭЦ авария болгондо этаж үйдөгүлөр эмне кылып оокат кылышты, иске ууланды деп уккан эмес элем

-3

Baktyluu_bolgum_kelet

2019-02-23 11:32:46

Негизи уй ээсинде күнөө.Неге биринчи шартты түзүп бербейт?Неге жашоо шарты жакшы болсо убагында төлөп койбойт?Ар ким өз милдетин так аткарганда мындай болмок эмес.Жаткан жери жайлуу болсун.Тагдыр((

Kesh.26

2019-02-23 11:36:10

Дебилы... Причем тут электрик?... Где справедливость??? Мээси иштебей озун балдарын уулап олтурсо, электрикте эмне куноо? Алар озунун жумушун так эле аткарган!!!

nisrat

2019-02-23 11:41:13

Ошол өчүргөндөрдүн үйлөрүн текшериш керек алар баары урдап алган свет

Kesh.26

2019-02-23 11:48:00

Эскертуу берилип, 10 кундон кийин келип очуруп кетип жатат. Баардыгы оз тартибинде. Электриктерди иштен бошоткон адамдын озун иштен бошотуш керек!!! Ал эми каза болгондордун жаткан жери жайлуу болсун. Жакындары жумурткадан кыр издебей, башкаларга жок жерден куноо койбой тобоо кылсын.

Ananai

2019-02-24 17:03:52

Светчилерге мындан да катуураак чара корушсо болмок.Ошолордун айынан олуп кетишти эне бала байкуштар....

Комментарий калтыруу үчүн өз ысымыңыз менен кириңиз же каттоодон өтүңүз.