Депутат каржылоо болуп жатса да Маданият-Жалал-Абад жолун оңдоп-түзөө иштери бүтпөй жатканын айтты

Депутат Бактыбек Сыдыков каржылоо болуп жатса да Маданият-Жалал-Абад жолун оңдоп-түзөө иштери бүтпөй жатканын айтты. Бул тууралуу ал кечээ, 26-февралда Жогорку Кеңештин тармактык комитет жыйынында билдирди.

Ал Транспорт жана жолдор министрлигин жолдорду куруу жана калыбына келтирүү боюнча ратификацияланган макулдашууларды аткаруудагы ишин сынга алды. "Долбоорлорду ишке ашыруу мөөнөтү сакталбай келет. Каржылоо болуп жатса да 2014-жылдан бери 60 чакырымдык Маданият-Жалал-Абад жолунун 23 чакырым бөлүгү бүтпөй жатат. Өкмөт бул маселе боюнча жыйын өткөрүп, талкуулашы зарыл", - дейт ал.

Биринчи вице-премьер-министр Кубатбек Бороновдун маалыматы боюнча, жол тармагындагы 13 долбоордун төмөнкү 4 долбоору мөөнөтүнөн кечигүү менен бара жатат. Анын айтымында, Ош-Баткен-Исфана альтернативдүү жолундагы тоннелдин курулушу, Бишкек-Кара-Балта, Исфана-Карагач-Баткен-Төрткүл жолдору аба ырайына байланыштуу кечигү менен оңдолууда.

Жыйынтыгында өз убагында каржылоо, курулган жолдордун сапатына өз убагында көзөмөл кылуу, тендерлерди ачык-айкын, мыйзам чегинде өткөрүү сыяктуу бир катар тапшырмалар өкмөткө берилди.

Автор: Жылдыз Джускембаева

08:41 27-02-2019

Жазылуу

РУБРИКАДАГЫ СОҢКУ КАБАРЛАР

10:00 2025-07-18 | Коом жана турмуш

Төө-Ашуудагы тоннелдин айланасы иретке келтирилип жатат 33 0

09:52 2025-07-18 | Түркүн дүйнө

Израил Газадагы жалгыз католик чиркөөсүнө сокку урганы айтылууда 62 0

09:32 2025-07-18 | Түркүн дүйнө

Пакистандагы кырдаалды баяндаган журналист интернет жылдызы болууда (видео) 276 0

09:29 2025-07-18 | Коом жана турмуш

"Окуу китеби" мекемесинин жетекчилик кызмат ордуна сынак жарыяланды 105 0

09:19 2025-07-18 | Коом жана турмуш

Кыргызстанда дүйнөлүк валюталардын сомго карата баасы 191 0

09:12 2025-07-18 | Түркүн дүйнө

Эрдоган Израилди террористтик мамлекет деп атады 356 0

Архив

Комментарийлер (3)

elchi84

2019-02-27 09:03:59

Маданият-Жалал-Абад жолун ондобой эле сурдуруп башка жаны жол салыныш керек.Жамала берип соо жери калбады.

KAYRATBEK

2019-02-27 13:07:21

Маданият Жалалабад жолу бул улуу жибек жолу. Маданият Жалалабад жолулунун кээ бир жерлери бар унаа айдагандан коркосун, качан унаанын бир жерин жулуп алам деп.

Кээ бир жерлери бар ал жерге келгенде унаадан тушуп жоо эле баскын келет.

Кээ бир жерлери бар акардиён болуп турулуп калган.

Кээ бир жерлери жамала берип-жамала берип эч нерсеси калбаган.

kayratbek81

2019-02-27 22:41:12

Жол башталбас болдугоо ,эмнеге экенин эчким билбейт,иштемиш болупатышат бирок дайыны жок ,дарактарды квйып сатыпатышат жангактар бар болчу подряд кыйып

Комментарий калтыруу үчүн өз ысымыңыз менен кириңиз же каттоодон өтүңүз.