Көк бөрү федерациясынын президенти Жыргалбек Саматов кызматынан бошотулду

Искендер Кадыркулов

Жыргалбек Саматов

Бүгүн, 27-февралда Көк бөрү федерациясынын курултайы болуп өттү. Федерациянын делегаттары катышкан курултайда президент Жыргалбек Саматов жыл ичинде федерациянын аткарган иштери боюнча отчёт берди.

Курултайдын жүрүшүндө Астана шаарында өткөн Түрк тилдүү элдер ассоциациясынын жыйыны тууралуу кеп козголуп, "ага катышып кыргыз көк бөрүсүнүн намысын коргогон жок" деген жүйө менен көпчүлүк делегаттардын добушу аркылуу Жыргалбек Саматов ээлеген кызматынан бошотулду.

Жаңы президенттик орунга Көк бөрү боюнча кыргыз курамасынын мурдагы жетекчиси Талас Бегалиевдин талапкерлиги сунушталып, бирок ал федерацияны жетектөөдөн баш тартты.

Жыйынтыгында көпчүлүк добуш менен Көк бөрү федерациясынын жаңы президенти болуп Искендер Кадыркулов шайланды.

Жыргалбек Саматов аталган мекемени 2018-жылдын июль айынан бери жетектеп келген. Ага чейин федерацияны Икрамжан Илмиянов башкарган.

Искендер Кадыркулов 1962-жылы 20-октябрда азыркы Кадамжай районундагы Үч-Коргон айылында туулган.

- 2009-2010-жылдары Чүй облусунун Москва районунун акими болгон.

- 2010-жылы "Республика" партиясынын курамында Жогорку Кеңештин 5-чакырылышынын депутаты болуп шайланган.

- 2012-жылдын август айында "Түндүк электр" ачык акционердик коомунун башкы директору болуп дайындалып, 2013-жылдын январь айында Мамлекеттик мүлктү башкаруу фондунун сунушу менен кызматынан алынган.

- 2013-жылдын 18-июнунда соттун чечими менен "Түндүк электр" ачык акционердик коомунун башкы директорлугуна кайтарылган.

Автор: Бекболот Сарыбаев

16:55 27-02-2019

Жазылуу

РУБРИКАДАГЫ СОҢКУ КАБАРЛАР

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 380 0

16:39 2025-05-14 | Коом жана турмуш

Таласта айрым дарыяларда балык уулоого убактылуу тыюу салынды 193 0

15:44 2025-05-14 | Коом жана турмуш

Депутат Кой-Таш окуясында жабыркаган генералдын пенсиясын көтөрүүнү сунуштады (видео) 604 0

15:34 2025-05-14 | Коом жана турмуш

Түрк тили күнүнө карата Кыргызстанда түрк ырларынын сынагы өттү (сүрөттөр) 178 0

15:29 2025-05-14 | Коом жана турмуш

15-майга карата аба ырайы 354 0

14:50 2025-05-14 | Саясат

Жогорку Кеңеш министрликке Кендирбаева менен Орозовдун талапкерлигин колдоду 517 0

Архив

Комментарийлер (2)

Kychtyy

2019-02-27 18:07:01

Бегалиев ушундай кыйын учурда кок борунун жугун которсо болмок. Татыктуу инсан. Искендер кок боруго кандай кызыгуусу барбы. Илмяновго окшогон эч тиешеси жоктор келип олтуруп кетбесе болду

Firdaus-Muslim

2019-02-27 22:26:12

Талас Бегалив баш тартпай эле Көк-бөрү федерациясынын президенти болсо жакшы болмок. И.Кадыркуловду билбейм аа билбейм,

Комментарий калтыруу үчүн өз ысымыңыз менен кириңиз же каттоодон өтүңүз.