“Жаңы толкун-2013” фестивалынын биринчи күнү “Дүйнө хиттеринин күнү” деген аталышта өттү

24-июлда Юрмала шаарында башталган “Жаңы толкун-2013” фестивалынын биринчи этабы өтүп, ал “Дүйнө хиттеринин күнү” деп аталды. Таланттардын өнөрүн музыка чөйрөсүнүн белгилүү инсандары Игорь Крутой, Валерий Меладзе, Константин Меладзе, Юрий Антонов, Валерия, Максим Фадеев, Лайма Вайкуле, Леонид Агутин, Тото Кутуньо, Игорь Николаев жана Игорь Матвиенко толуктаган калыстар тобу баалашууда. Сахнага биринчи болуп украиналык Аркадий Войтюк чыкты. Кыргызстандык ырчы Айбек Бакытбеков сахнага 4-болуп чыгып, "Nothing gonna change my love for you" аттуу чыгарманы аткарды. Бул күнү 16 өлкөнүн ырчылары өнөр көрсөтүштү.

Автор: Ширин Турдакунова