Күтүлбөгөн жагдай: Шампан куюлган бокалдардан курулган пирамида урап, оркестр тынчып калды

8-Март - Аялдардын эл аралык майрамына карата уюштурулган кече күтүлбөгөн жагдайды жаратты. Социалдык тармактарга тараган видеодогу маалыматка ылайык, Орусиядагы "Сбербанктын" жамааты кесиптеш айымдарды өзгөчө маанайда куттукттоо идеясын ойлонушкан.

Бокалдардан курулган пирамида, анын айланасында оркестр ойноп жатты. Мындай жагдай пирамиданын эң үстүндө турган бокалга шампан куюу учурунда таптакыр башка нукка өзгөрдү. Тактап айтканда, шампан куюп жаткан жигиттердин бири өзү да күтпөгөн учурда эң үстүдөгү бокал кулап, артынан алдындагы бардык бокалдар сынып, пирамида урап түштү. Тегеректеп тургандардын чочуп, таң калган үндөрү чыгып, оркестрдин үнү тынчып калды.

Орусиялык маалымат булактары аталган банк бул боюнча комментарий бере электигин жазышууда. Айрым маалыматтарга караганда, "Сбербанк" шампан куюлган бокалдан пирамида жасоо үчүн бармен жалдап алып келген. Көптөгөн интернет колдонуучулар аны тажрыйбасыз деп сыпатташууда.