Американын Аризона штатында зоопарктагы кабылан сүрөткө түшүп жаткан аялга кол салды

Американын Аризона штатында зоопарктагы кабылан сүрөткө (селфи) түшүп жаткан аялга кол салды. Бул тууралуу чет элдик басылмалар жазып чыгышты.

Күбөлөрдүн айтымында, аял атайын орнотулган тосмонун үстүнө чыгып, жаныбарга жакын туруп сүрөткө түшүп жаткан.

"Ошол учурда кабылан тосулган тор тосмодон колун чыгарып, аялды урганга жетишкен. Сүрөткө түшүп жаткан аял жерге катуу жыгылган. Тосмонун сыртында жырткыч жаныбарлардын жанына жолобогула деген эскертүү жазылып турган. Бирок эмнегедир аял тосмонун үстүнө чейин чыгып алды", - деп айткан күбө.

Маалыматка ылайык, кабылан кол салган аялды ооруканага алып барып, дарыгерлердин көзөмөлүнөн өткөрүшкөн. Дарыгерлер ал жерге жыгылганда жаракат алганын айтышып, бирок мындай жаракат аялдын өмүрүнө коркунуч алып келбейт деп жыйынтык чыгарышкан.

Автор: Наргиза Өмүрбек кызы