"Мынча, мими!". Болгону үч жаштагы кыздын кийинүү стили сизди да суктантат

Кичинекей кыздар арасындагы моданы жаратып келе жаткан кореялык И Аиндин сүрөттөрүнө суктангандардын саны арбын. Ал кадимки наристелер сыяктуу эле таттууларды жейт, оюнчуктарды ойнойт, балет бийлеп, сууда сүзөт. Кичинекей экенине карабай түшкөн сүрөттөрүнөн анын харизмасын көрүүгө болот.

Аин корей элинин эсеби боюнча 4 жашта, Европа календары боюнча 3 жашка толду. 2016-жылы 29-февралда туулган. Интернеттеги баракчасына кызынын сүрөттөрүн апасы киргизип турат. Ал кызы өзгөчө күндө туулганын белгилеп өткөн.

Апасы анын сүрөттөрүн 2016-жылдын июль айынан тартып жүктөп баштагандыктан, кичинекей кыздын күйөрмандары Аиндин кандай чоңойгонун да көрүштү.

И Аиндин кичинекей кыздар үчүн чачка аксессуарлар, корей элинин улуттук кийими ханбок, шляпа, кышкы жана жайкы кийимдер, көйнөктөрдү кийип түшкөн сүрөттөрүн сүйүүчүлөр көп. Апасы жаш энелер жана наристелер үчүн кийим тигет.

Автор: Айпери Ганыжан кызы