super.kg logo

Бишкекте күйүүчү май сатылган үйдөн өрт чыгып, турак үй жана жүк ташуучу унаа күйүп кетти (фоторепортаж, бийиктиктен көрүнүшү)

 

Бүгүн, 15-мартта Бишкек шаарындагы Дэн Сяопин-Алыкулов көчөлөрүнүн кесилишиндеги турак үйдөн өрт чыкты. Өзгөчө кырдаалдар министрлигинин маалыматына ылайык, тилсиз жоо тууралуу маалымат саат 12:07де келип түшкөн.

Окуянын күбөсү Дамир Акимовдун айтымында өрт чыккан үйдө күйүүчү май сатылчу.

"Алгач короонун ичи түтөп баштады. Анан эле жүк ташуучу унаанын үстү күйүп чыкты, айдап чыкканга эч ким жетишкен жок, дароо эле өрт бардык жакка тарап кетти. 10 мүнөттөй убакыттан кийин өрт өчүрүүчү унаалар келип баштады.

Бул үйдө күйүүчү май сатылчу. Андан сырткары желим челектер бар эле. Мындан улам өрт дароо улууланып, өчүрүп калууга мүмкүн болбой калды", - деди окуянын күбөсү.

ӨКМдин Бишкек шаары боюнча башкармалыгынын ыкчам нөөмөт бөлүмүнүн башчысы Урмат Сариевдин айтымында өрттөн жабыркагандар жок.

"Окуя болгон жерге 1-өрт өчүрүүчү унаа 12:10до жеткен, 13:18де өрт чектөөгө алынды. Тилсиз жоонун кесепетинен күйүүчү май сакталган бастырма, жанында жайгашкан турак үйү менен кошо күйүп кетти. Мындан сырткары 1 жүк ташуучу унаа толугу менен өрттөндү. Өрт чыккан жерге жакын жайгашкан дагы 2 үйдүн чатырына өтүп, бирок өрт өчүрүүчүлөр андан ары улануусуна жол беришкен жок.

Кырсыктан жабыркагандар жок. Өрттүн келип чыгуу себеби жана материалдык чыгымдары боюнча маалымат азырынча белгисиз", - деди Сариев.

Учурда тилсиз жоо дээрлик өчүрүлүп бүттү. ӨКМдин кызматкерлери кырсык болгон жерде иш алып барып жатышат.



Бишкекте күйүүчү май сатылган үйдөн өрт чыкты

Автор: Алтынай Тынышова
Оператор: Мундуз Нурланбек уулу
 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(1)
15.03.2019. 20:12 
Тайпасы:
Жаран
Комментарийлердин саны:
285
Катталган:
26-01-2017
Соӊку аракети:
25-03-2019 23:53
Жынысы:
Белгисиз
+1
Миллион асманга сапырылыптыр да тангору
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
124363;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: