Фотограф: "Ысык-Көлдү байырлаган фламингону сүрөткө тартуу үчүн 3 күн убакыт кетирдим"

Фотограф Иван Турковский бул жылы да Ысык-Көлдү байырлаган кызыл канат канаттууларынын сүрөттөрүн жарыялады.

Сүрөттөрдү социалдык тармактагы баракчасына жүктөгөн фотограф фламинголорду табуу үчүн декабрь-январь айларында бир нече жолу Ысык-Көлдүн жээгин кыдырганын жана февраль айында гана ийгилик жылмайып кызыл канаттууларды кезиктиргенин жазган.

"Эсиңерде болсо, былтыркы жылы Ысык-Көлдүн түштүк жээгинде кыштаган фламинголорду сүрөткө тартып жарыялагам. Аларды бул жылы да көрүүгө каалоом абдан күч болду.

Декабрь-январь айларында ак куулардын арасынан кызыл түстөгү канаттарды издеп, бир нече жолу көл жээгин кыдырдым. Февраль айында гана мага ийгилик жылмайып, фламингону кезиктирдим. 3 күн убактымды кетирип, бир нече жолу кызыл канаттууну сүрөткө тарта алдым.

Дароо эле тарткан сүрөттөрүм менен бөлүшкүм келген. Бирок башкалар да фламингону көргүсү келип, анын тынчын албасын деп жаз айларын күтүүгө туура келди. Анткени бул канаттуунун тынч жашоосуна жолтоо болуу кайгылуу аяктап калышы мүмкүн. Фламинголор - тынчтыкты сүйгөн канаттуулар. Азыр алар биздин өлкөбүздөн учуп кеткенине байланыштуу сүрөттөрдү жарыялап жатам", - деп билдирүү калтырган Турковский.

Белгилей кетсек, өткөн жылдын январь айында да Иван Турковский Ысык-Көлдү байырлаган фламингонун сүрөттөрүн жарыялаган.

Айрым маалыматтарга ылайык, фламинго 1933-жылы февраль айында Ысык-Көлгө учуп келгени белгилүү болуп, 1954-жылы күз айларында Ысык-Көлдүн түштүк-батыш жээгинен 4 фламингонун жүргөнү такталган. 1998-1999-жылдары кышында Балыкчы шаарынын аймагында 12 канаттуу, 2002-2003-жылдары бир фламинго бар экени маалым болгон.

Жер жүзүндө фламингонун 6 түрү кездешет

Автор: Бекболот Сарыбаев
Фото: Иван Турковский

14:21 18-03-2019

Жазылуу

РУБРИКАДАГЫ СОҢКУ КАБАРЛАР

22:56 2025-05-08 | Саясат

Садыр Жапаров Жеңиш парадына катышуу үчүн Москвага барды 36 0

18:29 2025-05-08 | Маданият, шоу-бизнес

Рэпер Улукманапо кырк жылкылуу болду 642 0

18:25 2025-05-08 | Түркүн дүйнө

Молдовада депутаттар жыйынга баатырлардын портреттери менен келишти 836 0

18:09 2025-05-08 | Түркүн дүйнө

Москвада Путин менен Си Цзиньпин жолугушту 991 0

17:42 2025-05-08 | Спорт

Намангандагы велоспорт мелдешинде кыргызстандык команда медаль утту 474 0

17:12 2025-05-08 | Коом жана турмуш

“Мектепке кирүү, ооруканага баруу кыйын болуп калат” дейт 14 жаштагы Аруужан (видео) 970 0

Архив

Комментарийлер (3)

Aiymkunumjyldyzym

2019-03-18 14:53:56

Sonun go,adamdar biri birin kordop jatsa,bul surotchu baikebiz(orus bolso da)flamingonu korgop,aiap jurgonu jakwy eken.Emi munu keeboiri tuura emes tuwunup alywat boluw kerek,

a.sheralievic.91

2019-03-18 20:34:26

Азаматсың автор

nurbek11

2019-03-19 00:16:50

Азаматсын красавчик

Комментарий калтыруу үчүн өз ысымыңыз менен кириңиз же каттоодон өтүңүз.