Футбол боюнча өлкө чемпиондугу 6-апрелде старт алат

Кыргыз Премьер-Лигасынын жаңы сезону 6-апрелде старт алат. Бул тууралуу Футбол федерациясы билдирди.

Маалыматка ылайык, бул жылы өлкө чемпиондугу үчүн 8 футболдук клуб ат салышат. Алар: өткөн сезондун чемпиону "Дордой", Ош шаарынын "Алай", "Академия-Лидер", Бишкек шаарынын "Алга", "Илбирс" жана Кант шаарынан "Абдыш-Ата" командалары.

Премьер-Лиганын 1-туру 6-апрелде башталып, 7-апрелде жыйынтыкталат.

Беттештердин жадыбалы:

6-апрель:

"Абдыш-Ата" - "Илбирс"
"Алай" - "Кара-Балта"

7-апрель:

"Дордой" - "Академия-Лидер"
"Алга" - "Нефтчи"

Кыргыз футболдук лигасынын аткаруучу директору Михаил Толкачев буга чейин "Топ-Лига" аталып келген өлкөнүн футбол боюнча чемпиондугу ушул жылдан тартып "Кыргыз Премьер-Лигасы" болуп өзгөрөрүн билдирген.

Автор: Бекболот Сарыбаев