ЖЭБ соту. Сапар Исаков: "Качкыбыз келсе, мурда эле качып кетмекпиз"

Бишкек шаарынын Свердлов райондук сотунда Бишкек ЖЭБин жаңылоодогу "коррупция" менен айыпталган мурдагы 8 чиновниктин иши боюнча соттук отурум өтүүдө.

Сот отуруму башталарда жактоочулардын бири Канат Жайлоев судьяга кайрылып, айыпталуучулар тордун артында эмес, залда отуруп суракка алынуусуна уруксат берүүнү өтүндү.

"Бул нерсе айыпталуучулардын адамдык кадыр-баркына шек келтирип жатат жана кыйноо катары баалоого болот", - деди жактоочу.

Мамлекеттик айыптоочулар буга каршылыгын билдирип, айыпталуучуларга оор кылмыш тагылып жатканын эскертишти.

Бул өтүнүч боюнча "коррупция" беренеси менен айыпталып жаткандар мурунку премьер-министрлер Жантөрө Сатыбалдиев жана Сапар Исаков да өз пикирлерин билдиришти.

Жантөрө Сатыбалдиев өзүнүн жактоочусунун сөзүн колдоду. "Бизди коомго коркунучтуу деп атоого эч кимдин укугу жок" деди Сатыбалдиев.

Ал эми Сапар Исаков "айыпталуучулар качкысы келсе мурда камала элек кезинде эле качып кетмек" деп кошумчалады.

Ишти карап жаткан судья Инара Гилязетдинова жактоочунун өтүнүчүн канааттандыруусуз калтырды.

Окуянын чоо-жайына кайрылсак:

Былтыр 26-январда Бишкек ЖЭБинде өндүрүштүк кырсык болуп, шаардагы үйлөргө берилген жылуулук 7 күнгө төмөндөгөн. Кытайдан алган 386 миллион доллар менен жаңыланган ЖЭБге карата сын-пикирлер күчөгөн. Бул факт боюнча кылмыш иши козголуп, тергөөнүн жүрүшүндө бир топ жооптуу кызматкерлер кармалган. Кийин КСДП бул боюнча билдирүү таратып, өндүрүштүк кырсык Бишкек ЖЭБинин жаңыланган бөлүгүндө эмес, эски бөлүгүнөн чыкканын белгилеген. Анда: "1961-жылы пайдаланууга берилген ЖЭБди реконструкциялоо шаарды кыйроодон аман алып калды. Мына ошол кыйроонун алдын алгандар бүгүн камакта отурушат", - деп жазылган.

Андан кийин Жогорку Кеңеш ЖЭБдеги аварияга байланыштуу өкмөттүн 2017-2018-жылдардагы күз-кыш мезгилдерге даярдыгын "жетишерлик эмес" деп таап, күнөөлүүлөрдү жоопко тартуу боюнча токтомду караган.

Бишкек ЖЭБин жаңылоодо "коррупция" беренеси менен айыпталып жаткандар мурунку премьер-министрлер Жантөрө Сатыбалдиев, Сапар Исаков, депутат Осмонбек Артыкбаев, Улуттук энергохолдингдин мурунку директору Айбек Калиев, "Электр станциялары" ишканасынын мурунку жетекчиси Салайдин Авазов, "Электр станциялары" ишканасынын башчысынын мурдагы орун басары Жолдошбек Назаров, Бишкек жылуулук электр борборун модернизациялоону башкаруу боюнча топтун мурдагы аткаруучу директору Темирлан Бримкулов жана мурдагы каржы министри Ольга Лаврова.

Автор: Мальвина Уметбекова
Фото: Мальвина Уметбекова

12:09 10-04-2019

Жазылуу

Тектеш кабарлар:

СИЗОдо отурган депутат Осмонбек Артыкбаев ооруканага жаткырылды

ЖЭБ соту: Айбек Калиев: "Модернизацияланган ЖЭБ ата мекендик көмүр тармагын өнүктүрдү"

ЖЭБ соту. "Коррупция" боюнча айыпталган мурдагы 8 аткаминердин туугандары сот залына киргизилген жок

ЖЭБ чыры. "Электр станцияларынын" мурунку башчысы Салайдин Авазов тергөө иштери аяктаганга чейин абакта калтырылды

Бишкек ЖЭБиндеги кырсыкка байланыштуу сот отуруму өтөт

ЖЭБ соту: Салайдин Авазов: "Сапар Исаковго, Айбек Калиевге карата берген каршы көрсөтмөлөрүмдөн расмий түрдө баш тартам"

ЖЭБ соту: Сапар Исаков: "Жантөрө Сатыбалдиев регионалдык баланс болуш үчүн эле камакта отурат"

Жогорку Кеңештин депутаты Осмонбек Артыкбаевдин камакта калуу мөөнөтү узартылды

Бишкек ЖЭБиндеги кырсыкка байланыштуу соттук отурум улантылат

УКМК төрагасы камакта ооруп жаткан саясатчылар тууралуу: "Абак деген абак, курорт эмес"

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 2184 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 224 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1195 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2862 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1188 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1158 0

Архив

Комментарийлер (18)

BaihanUlanov

2019-04-10 12:26:01

Келме кезек терме тезек силер бийликте отурган да далай адамды ыйлаткансынар, эми чыдагыла.

+16

aydinnur

2019-04-10 12:30:12

Сапар Исаков жөн эле олтурат ал жерде...

-18

pat12

2019-04-10 12:57:03

Сапар Исаковтун эч кандай куноосу жок. Исаков таза иштеген кадрлардын бири болгон. Муну Жээнбековтордун атайын уюштурган иши. Жээнбековторго ээрчиме кошоматчылар гана керек. Жээнбеков эч нерсе жасай алган жок.

-14

Azat.97

2019-04-10 13:20:08

pat12,туптуура!500 кун болуптур реформа 0.Алдыга жылбай эле артка кетип атабыз.Маданият жагы такыр эле олду.Мойнубузга алалы.

-8

Azat.97

2019-04-10 13:26:58

Жээнбеков Нарын менен Колдон Исаков учун добуш алганын унутпасын.

-11

Aikaaaa

2019-04-10 13:39:44

Azat.97, ооба, аның чын, туура

-13

Nursbaike

2019-04-10 14:45:44

Azat.97,атамбайды текебаев президент кылган

-2

Gema

2019-04-10 15:04:02

Azat.97,Исаков Атамбаев учун!

-4

Aman_Mansurov

2019-04-10 15:14:15

Исаков күнөлүү, бирок Жээнбеков премьер болуп турган кезде болгон ушул ТЕЦтеги коррупция.

uli1234

2019-04-10 15:30:27

Бийликте отурганда аташканар менен мындан хуже кылгансынар келме кезек келди

Dembele84

2019-04-10 15:38:00

ЖЭБ болбосо да,наркы тарых музейдеги ремонт,миллиондогон акчага алган картондон жасалган аттардын келбети,мебельдерди алганда ушул Исаков куратор болуп турган.Анын баарын раматылык Улан Сегизбаев тактап,эсептеп чыгарып койгондо,сууга чоктуруп жок кылышты...

azimbaeva1989

2019-04-10 17:20:35

Закон иштебейт да. болбосо ошол мезгилде Президентибиз премьер иниси спикер болуп турбады беле? булар неге жоопко тартылбайт? эки доо урушса ортодо чымын олот болуп Исаков отурат. Исаков бир принципте турган адам так жана ишеничтуу адам экенин ушундан эле билсе болот. АШАны саткан жок болбосо давно чыгып кетмек баарын шефке оодарып коюп. ансыз деле камай албай жатканда

NURSAPAR

2019-04-10 17:42:41

Колу менен кылганын мойну менен тартсын тарых музейи, ТЕЦ . Көбүрөөк жеп койгон го. Албетте өзү эмес. Туура теришсе дагы далайынын шору куруйт го.

aydinnur

2019-04-10 18:38:52

Ооуу Жээнбековдун жердештери жайнаган го)) минустар көп басылыптыр))

-4

ruslanz

2019-04-10 19:04:48

Жээнбековдорду мактагыныбыз жок,эгер алардагы жеп атышса учуру келгенде жооп беришет.Азыр соз Исаков ж.б ж-до соз болуп жатат.Ал жеген жок дегендер, анан ким жеди? Атамбаевдин жанында жургондор бут жегич болушкан.

Azat.97

2019-04-10 19:57:41

ruslanz,азыркыларын жебейт деп кепилдик бересинби?

Dembele84

2019-04-10 20:52:11

Azat.97,Азыркылар деле жеп жаткандары кийинчерээк билинет.А Исаковдуку баары ачыкка чыккан.

Mister-X

2019-04-10 21:38:21

Атамбаевдин учурунда бийликте отургандардын баары жеген.Атамбаев пара бергендерди гана бийликке алып келген.Эч кандай билимдуу адамдар бийликке келген жок.Жээнбековдун жанындагы адамдардын да билим денгээли өтө төмөн.

Комментарий калтыруу үчүн өз ысымыңыз менен кириңиз же каттоодон өтүңүз.